日前去了IFC打了個白鴿轉,冇乜收穫,正想折返九龍半島,途中竟有意外收穫。 話說狗子原本想行去搭船,一路上繼續苦惱買什麼送給小河馬剛誕下的女嬰,但行行0下竟行左去香港站,仲好順手咁入埋閘。
行經香港站轉入中環站,必經果2條長長的電梯,在小狗子的跟前有一對年青的母子,那位母親沿路一直拖著一個行李箱,而看似小一生的兒子則兩手FING FING好開心咁行。
當行至第一條電梯前那小男孩很著緊的拖實母親牽著行李的手,此舉動引起狗子的注意,隨即放慢腳步睇戲。 終於進入了電梯的路軌,小男孩即從母親的手中取下行李箱的扶手,以一種好似好獨立的樣子拖著行理行,直至電梯的盡頭,才把行李箱的手挽交與母親的手中。 一放手隨即向母親邀功:「我是不是很乖呀 ? 我幫你攞行李行左好耐呀 !! 我幾乖呀呵~~」
當下小狗深深相信此子大有可為,日後定必成為傑出人才。
而第二條電梯由於斜路比較危險,所以没有爭著替母親拖行李。
2007年12月23日 星期日
2007年11月20日 星期二
盲毛
好開心呀,今年終於有機會參與一年一度的盲毛行,呢個贊助露脾先的籌期活動。今年邀請咗小龜同佢樽蜜糖一齊玩,未出發前約好在灣仔一齊食早餐, 食個零鐘後行去集合點。我咁大個第一次見成大班盲毛一齊行,好正呀~
我哋好準時2330左右到場,辦好入册手續就上看台等待。 但唔知點解,呢個活動都攪咗好多年,都仲係一嚿雲咁,所以遲咗起步。
沿途樽頸處處,風景欠奉,幸好天氣不熱,清涼的,都幾好行。就連上果條「嘩嘩聲斜路」都好快攪掂,一路上人聲鼎沸,感覺非常好,直至行到果個類似中國x明的石林的地區,全場靜晒,亦只有呢個地帶的click point~ 廁所位係最乾淨同不用排隊,可見大家都好齊心。仲有d垃圾桶click point呀,開頭果d全部都常滿架,之後果d都好乾淨,連半滿都冇囉。
最有趣的是主辦單位邀請咗聖記物流負責急救,但除咗d大point外都無晒影,亦冇架車仔響條路度行,反而的士就大把,可能想睇吓有冇人中途上車直達下一個click point,可見商機處處亦同時反映另一個事實,有需要時call大會等聖記快d定就咁叫架的士快d呢?!
幸好我d隊員都能行到終點,除咗河馬仔要趕車去機場要中途離隊,不過佢都行咗3份2架啦,都唔錯啦。行完大家結伴上國內鬆弛下,算係甜品。
當晚狗子仲要上大霧山~家庭聚會,順手睇番之前果日細表哥婚禮的短片,好彩小河馬延遲北上工作,如果唔係呢2個活動佢都缺席,真係感謝主!!
2007年11月1日 星期四
變態物種
相比其他的生物,人類係最變態的生物。 一直以來,生物為了生存而捕殺其他生物以維生,得手後會將之收藏妥當,以免被其他生物搶奪﹔只有人類,會反其道而行,不單只高高掛起,還會加點燈光及裝潢,慌死人睇佢唔到,淨係睇吓d食市街市超市就知啦。
同樣都係捕殺其他生物維生,亦只有人類先識驚,驚對方會化成鬼回來尋仇。到現在,人類叫做減少仇殺,就算成世人都未殺過人的,都會對鬼怪之說深信不移。所以平常冷漠的人,成日自己嚇自己,疑神疑鬼,到了盂蘭節都會聯群結隊咁去BBQ。D手工藝品又靚到幾可亂真,睇吓殯儀館同墳場好似擺展咁,盈利高,發達的好時機﹔D火又靚,攪到我都想叉隻雞翼入去燒埋一份。
但萬聖節又會歡天喜地去熱鬧一番。連果d膽小的都又怕又爛玩,睇見佢哋又想入鬼屋睇恐怖片但驚到唔敢睇又要嚷著去,都幾有趣。
同樣都係捕殺其他生物維生,亦只有人類先識驚,驚對方會化成鬼回來尋仇。到現在,人類叫做減少仇殺,就算成世人都未殺過人的,都會對鬼怪之說深信不移。所以平常冷漠的人,成日自己嚇自己,疑神疑鬼,到了盂蘭節都會聯群結隊咁去BBQ。D手工藝品又靚到幾可亂真,睇吓殯儀館同墳場好似擺展咁,盈利高,發達的好時機﹔D火又靚,攪到我都想叉隻雞翼入去燒埋一份。
但萬聖節又會歡天喜地去熱鬧一番。連果d膽小的都又怕又爛玩,睇見佢哋又想入鬼屋睇恐怖片但驚到唔敢睇又要嚷著去,都幾有趣。
2007年10月25日 星期四
我有問題?!
選曲︰ 玩具兵 ~ 葉宇澄
開始我的復原計劃,自從做咗呢份工後身體的狀況直線下降,仲衰過患一場大病。
開始每日早睡遲起的生活,但習慣遲睡,所以努力緊提早睡眠時間,都早極有限﹔原本想瞓耐D,但自己賤骨頭作怪,未試過遲過1000起床,好羨慕果D可以瞓到1500的朋友,我好努力嘗試都做唔到呢~~
想改善皮膚的質素,開始多D休息,乜都做慢D,好聽D叫做忙裡偷閒,其實只係想偷懶不願做吧了﹏
又開始胡思亂想,明知錯不在自己,但心有不甘﹔眼見白費心機,但已回天乏術,只覺好可惜,好可憐,真的可以矇騙一切嗎? 同駝鳥政策有什麼分別?! 我真的想不透。但相信在我參透一切前,要先找回那已不知去向的自信心。是幾時走失的,已經忘了,好像從未出現過。
可能之前忙慣了,現在有點不自然的感覺。 眼見身邊好友可以完全投入假期,但我始終都有點罪惡感,好似自己偷懶唔做野咁款,硬要加點點罪名給自己才覺得安心點。點解人哋可以做得到??? 唔通我有問題?
開始我的復原計劃,自從做咗呢份工後身體的狀況直線下降,仲衰過患一場大病。
開始每日早睡遲起的生活,但習慣遲睡,所以努力緊提早睡眠時間,都早極有限﹔原本想瞓耐D,但自己賤骨頭作怪,未試過遲過1000起床,好羨慕果D可以瞓到1500的朋友,我好努力嘗試都做唔到呢~~
想改善皮膚的質素,開始多D休息,乜都做慢D,好聽D叫做忙裡偷閒,其實只係想偷懶不願做吧了﹏
又開始胡思亂想,明知錯不在自己,但心有不甘﹔眼見白費心機,但已回天乏術,只覺好可惜,好可憐,真的可以矇騙一切嗎? 同駝鳥政策有什麼分別?! 我真的想不透。但相信在我參透一切前,要先找回那已不知去向的自信心。是幾時走失的,已經忘了,好像從未出現過。
可能之前忙慣了,現在有點不自然的感覺。 眼見身邊好友可以完全投入假期,但我始終都有點罪惡感,好似自己偷懶唔做野咁款,硬要加點點罪名給自己才覺得安心點。點解人哋可以做得到??? 唔通我有問題?
2007年9月11日 星期二
應屆「損手」~狗子篇
各位好,小狗子深感榮幸能成為今年度傑出損手之一,繼年中手指事件後,蒙皇得堡邀請,今晚有幸能獲得聖記物流的一級服務。
近日工作繁重,狗子急需增加記憶,幸運地,今晚尚算早收工,與小河馬相約黃昏後,為了在灣仔定銅鑼灣活動而針鋒相對,最後被小河馬技術性擊倒。 去完百冇滙後再去皇得堡,按電梯直上電腦城。 一出電梯口已見水桶一個,狗子懶醒咁閃開咗,冷不防地上一灘二灘水氹,加上光潔如新的黑色雲石地板,閃閃發光,明艷照人,鬼睇到有咁多陷阱咩,一野就得咗囉。以為好小事,但膝蓋動彈不得,又好似有d野咁。
剛好有食蕉去附近交水費,途中聽到有人中招的聲音才發現有咁多水氹,急忙召人幫拖,在我倆的要求下電召物流服務往急症室求助,在過了差不多成個字後才醒悟要找張椅來服侍狗大人。
睇完診,拍完照後在等待期間,看到一張職安局的海報「預防滑倒,絆倒及跌倒」,真諷刺。
近日工作繁重,狗子急需增加記憶,幸運地,今晚尚算早收工,與小河馬相約黃昏後,為了在灣仔定銅鑼灣活動而針鋒相對,最後被小河馬技術性擊倒。 去完百冇滙後再去皇得堡,按電梯直上電腦城。 一出電梯口已見水桶一個,狗子懶醒咁閃開咗,冷不防地上一灘二灘水氹,加上光潔如新的黑色雲石地板,閃閃發光,明艷照人,鬼睇到有咁多陷阱咩,一野就得咗囉。以為好小事,但膝蓋動彈不得,又好似有d野咁。
剛好有食蕉去附近交水費,途中聽到有人中招的聲音才發現有咁多水氹,急忙召人幫拖,在我倆的要求下電召物流服務往急症室求助,在過了差不多成個字後才醒悟要找張椅來服侍狗大人。
睇完診,拍完照後在等待期間,看到一張職安局的海報「預防滑倒,絆倒及跌倒」,真諷刺。
2007年8月24日 星期五
身心疲累
呢輪真係經歷咗好多野。
打風果日,由於拍擋放假同個仔去死老鼠樂園玩,所以得一條狗子撐起成個部門,更加多麻煩野上身,追完d「祝君早抖」毛巾死咗去邊後又要追分店d order,仲要跟埋果d中秋老餅嘅內涵,同日夜晚又同小河馬趕2場,先去沙田補屋山bbq,再去香港大酒店送另一好友的父親仙遊。
呢2個地方的相同之處係兩人都係狗子在大晒肉時的好友,其中沙田果位同小狗子和小河馬的關係亦師亦友,果時同一間公司時已覺得她像鐵人一樣,經常早上2、3點才收工,意志堅強但敵不過癌,睇住她強撐著,隱瞞病情,做好友的只能扮不知情,只好著她多休息,但神真的很奇妙,在她還很年青時,因病昏迷時接回天家,所以很安詳。
第二個星期又要考試,又趕功課,雖然請咗幾日假,但沉不著氣又埋首處理公司事務,結果冇咩時間炆豬,所以不太入味,但幸好天資聰敏,所以順利過關,但已累得半死。
一回到公司,開工時仍處於垂釣狀態,釣魚途中雙手仍停不了,繼續開工,事後check番昏迷狀態時的所作所為,竟然咁都找不到錯誤,真係天冇眼。
打風果日,由於拍擋放假同個仔去死老鼠樂園玩,所以得一條狗子撐起成個部門,更加多麻煩野上身,追完d「祝君早抖」毛巾死咗去邊後又要追分店d order,仲要跟埋果d中秋老餅嘅內涵,同日夜晚又同小河馬趕2場,先去沙田補屋山bbq,再去香港大酒店送另一好友的父親仙遊。
呢2個地方的相同之處係兩人都係狗子在大晒肉時的好友,其中沙田果位同小狗子和小河馬的關係亦師亦友,果時同一間公司時已覺得她像鐵人一樣,經常早上2、3點才收工,意志堅強但敵不過癌,睇住她強撐著,隱瞞病情,做好友的只能扮不知情,只好著她多休息,但神真的很奇妙,在她還很年青時,因病昏迷時接回天家,所以很安詳。
第二個星期又要考試,又趕功課,雖然請咗幾日假,但沉不著氣又埋首處理公司事務,結果冇咩時間炆豬,所以不太入味,但幸好天資聰敏,所以順利過關,但已累得半死。
一回到公司,開工時仍處於垂釣狀態,釣魚途中雙手仍停不了,繼續開工,事後check番昏迷狀態時的所作所為,竟然咁都找不到錯誤,真係天冇眼。
2007年8月21日 星期二
DC X Polaroid Snap
唔知係自己老o左(年紀大啦~"~), 現實o左, 定係被生活"磨"到個人o既心態變o左(可能係"心理變態"=.="). 影相開始鐘意用傻瓜DC, 而且近期用返Polaroid(寶麗萊)^^".
以前, 用DC想要新款, 多function. 但前幾個月買新DC時, 對於d二千銀以上o既機完全唔睇, 終於買o左部千幾銀o既傻瓜DC(除o左Auto同場景mode, 其他都無).
近期, 都好少帶部D200出街, 一帶佢出去, 就係要幫人影相.......
反而, 之前阿爸執房, 俾我搵到部Polaroid, 之後去買o左兩盒菲林(唔平o架~"~)去影, 於是影o左呢d相出o黎!!
可能我呢一年有好多事要煩, 要諗, 要做, 令到自己影相mood無以前咁大, 但我知道自己係唔會放棄影相^^", 可能真係要一d時間去處理一d事, 但我相信, 解決o左之後, 當我再攞起相機時, 一定會比依家影我更加開心, 更加好^^"
2007年8月9日 星期四
唉~~救命!!
幾個星期後,上面位哥仔又因受到某D壓力,所以我哋四個又再一齊開會。
一開始就講分店營運上的問題,睇吓點解分店的FOOD COST咁高,成40零50幾個百分比。老闆的哥哥開始分享分店收貨的問題,供應商送貨的問題; 狗子亦就此幾點講解個FOOD COST既答案,好似分店成日自把自為成日買D貴貨嚟試,收唔收到貨都唔知,送嚟D貨有冇問題亦唔理,自己收咗既貨放咗響邊都忘記,更唔好提佢哋自己其實仲有D咩存貨,仲有幾多,甚至自己想要,需要咩貨都唔知,點CONTROL個COST呀大佬?!
但真的想不到以上幾點個哥仔同咩事部果個冇腦竟然覺得同拉高個COST無關,分店咁做法係冇問題,仲要認為採購部要負全責?! 分店位於上環,採購部響中環,山高皇帝遠,點睇呀? 不如將個採購部搬落去啦,下面D人事又咁有問題,咁人X部個新人都搬埋落去吖,笨~~
淨係傾以上呢個POINT已用咗幾個鐘,仲要睇住個哥仔由初頭好似好有理由,到同狗子傾「道理」被「技術性」的點數擊倒後,佢已變得雙眼通紅,成個人震晒。 果一刻,狗子真係好想遞張紙巾俾佢; 好似狗子做緊衰人咁,佢就成個悲劇女主角咁......呀唔係,據可靠消息透露,佢好似係男人嚟架!!!(嚇親!!)
之後佢開始講要計今個月FOOD COST嘅大約數,可能係老闆追佢貨啦,咁由於我哋一直冇資料存檔,直至狗子嚟咗之後先開始做,咁唯有用個最折衷的方法攪掂啦~~但佢又反駁話唔通等到會計部埋數後知到個真正答案時同老闆講番個最後答案呀?!
殺咗我啦,一開波你又話老闆要個大約數,又話咁做一定係錯,個大約數會同個事實有出入云云......,大佬呀,咩叫大約數呀?! 你學咩人做ACCOUNTANT呀? 連點計可以最快知個大約FOOD COST既比率都唔識,你俾我死咗去好過啦~~~
之後由於狗子衰心軟,硬食咗另一件PROJECT,我個BOARD已經貼滿晒手頭上果堆麻煩,都冇位再加插埋呢單野。 呢輪果位做緊單親家庭主婦的好下屬仲要成日恐嚇我話自己咩都唔識,做野又做得慢,如果再加其他野俾佢做一定做唔掂,想辭職喎。 狗子又未完全摸清底蘊,仲要靠呢支盲公竹,已經夠多野做夠晒煩,休息時間都冇乜,工作又不斷增加,你本身已經唔可以幫輕我的工作量,仲要加壓俾我,痴線架!!!我都係遞信算啦。
一開始就講分店營運上的問題,睇吓點解分店的FOOD COST咁高,成40零50幾個百分比。老闆的哥哥開始分享分店收貨的問題,供應商送貨的問題; 狗子亦就此幾點講解個FOOD COST既答案,好似分店成日自把自為成日買D貴貨嚟試,收唔收到貨都唔知,送嚟D貨有冇問題亦唔理,自己收咗既貨放咗響邊都忘記,更唔好提佢哋自己其實仲有D咩存貨,仲有幾多,甚至自己想要,需要咩貨都唔知,點CONTROL個COST呀大佬?!
但真的想不到以上幾點個哥仔同咩事部果個冇腦竟然覺得同拉高個COST無關,分店咁做法係冇問題,仲要認為採購部要負全責?! 分店位於上環,採購部響中環,山高皇帝遠,點睇呀? 不如將個採購部搬落去啦,下面D人事又咁有問題,咁人X部個新人都搬埋落去吖,笨~~
淨係傾以上呢個POINT已用咗幾個鐘,仲要睇住個哥仔由初頭好似好有理由,到同狗子傾「道理」被「技術性」的點數擊倒後,佢已變得雙眼通紅,成個人震晒。 果一刻,狗子真係好想遞張紙巾俾佢; 好似狗子做緊衰人咁,佢就成個悲劇女主角咁......呀唔係,據可靠消息透露,佢好似係男人嚟架!!!(嚇親!!)
之後佢開始講要計今個月FOOD COST嘅大約數,可能係老闆追佢貨啦,咁由於我哋一直冇資料存檔,直至狗子嚟咗之後先開始做,咁唯有用個最折衷的方法攪掂啦~~但佢又反駁話唔通等到會計部埋數後知到個真正答案時同老闆講番個最後答案呀?!
殺咗我啦,一開波你又話老闆要個大約數,又話咁做一定係錯,個大約數會同個事實有出入云云......,大佬呀,咩叫大約數呀?! 你學咩人做ACCOUNTANT呀? 連點計可以最快知個大約FOOD COST既比率都唔識,你俾我死咗去好過啦~~~
之後由於狗子衰心軟,硬食咗另一件PROJECT,我個BOARD已經貼滿晒手頭上果堆麻煩,都冇位再加插埋呢單野。 呢輪果位做緊單親家庭主婦的好下屬仲要成日恐嚇我話自己咩都唔識,做野又做得慢,如果再加其他野俾佢做一定做唔掂,想辭職喎。 狗子又未完全摸清底蘊,仲要靠呢支盲公竹,已經夠多野做夠晒煩,休息時間都冇乜,工作又不斷增加,你本身已經唔可以幫輕我的工作量,仲要加壓俾我,痴線架!!!我都係遞信算啦。
2007年8月1日 星期三
激死我啦~~
呢個世上最無藥可救的,非死蠢莫騷,仲要係果隻唔識聽人講野又要懶係醒既品種,簡直無得彈。
在狗子的身邊就有兩件,打孖上,雙重感受。 一個係負責各部門的主管,一個係隔離x事部新到的主管(其實比我早幾日到)。 由於上面果位哥仔想放手,採購俾我自己管理晒,所以我哋3個都有機會一齊開會,當然包括老閭的哥哥,因為佢日日都巡舖嘛。
事緣狗子要收拾的殘局太多,公司的技術及資源上又冇support,每晚回家後都要繼續開工找資料,根本無咩時間可言 ; 加上狗子比較新,呀大哥仔同d分店會熟d, 所以好多時呀哥仔落去開會d人有咩都會同佢講,打電話都省下。
但大家都信錯「好」人,以為同佢講咗會跟進,但佢只當各位發洩完就算,息事寧人。 所以分店有咩意見或投訴狗子永不知道,因為佢亦不會告訴有關部門。
所以上一次佢話同狗子落舖認識吓d人,睇吓下面的環境,真係以為落去打個白鴿轉咋~~ 原來佢一早約埋成班人開會,老闆的哥哥都有份,但亦因為同一原因,所以有很多野佢都唔知。 一去到就即刻開會,好有趣,狗子因為無知所以無事前準備,但原來個攪手自己都係咩都冇預備,我真係覺得好失敗囉。
人齊就插 ! 成班人輪住嚟插,好在狗子平時做足功課,加上有部PDA Phone坐陣,都嚇倒吓人,加上D對手的level太底,所以好快KO咗佢哋,但個死蠢哥仔為咗懶係好似有D貢獻咁,提出一個就算唔用個屁股想吓都知廢既意見俾狗子做,隔離部門個白痴又懶係野咁附和,狗子局做呢個白痴到唔恨的安排︰預告單,等佢哋知幾時有咩貨到喎~~
其實所有供應商都是今日落單明日到貨,如果有留意吓自己的ORDER就會知幾時到貨,但偏偏供應商有冇到貨又唔知,自己有冇簽收過都唔知,最抵死係佢哋連自己落咗咩ORDER都唔知,亦不會翻查, 等個幾兩個禮拜後冇貨時才打電話上嚟投訴話冇貨收, 叫佢哋收貨時睇緊D都有錯,忙吖麻,家陣好得閒CHECK呀? 咁做張咁既表有鬼用咩~~
在狗子的身邊就有兩件,打孖上,雙重感受。 一個係負責各部門的主管,一個係隔離x事部新到的主管(其實比我早幾日到)。 由於上面果位哥仔想放手,採購俾我自己管理晒,所以我哋3個都有機會一齊開會,當然包括老閭的哥哥,因為佢日日都巡舖嘛。
事緣狗子要收拾的殘局太多,公司的技術及資源上又冇support,每晚回家後都要繼續開工找資料,根本無咩時間可言 ; 加上狗子比較新,呀大哥仔同d分店會熟d, 所以好多時呀哥仔落去開會d人有咩都會同佢講,打電話都省下。
但大家都信錯「好」人,以為同佢講咗會跟進,但佢只當各位發洩完就算,息事寧人。 所以分店有咩意見或投訴狗子永不知道,因為佢亦不會告訴有關部門。
所以上一次佢話同狗子落舖認識吓d人,睇吓下面的環境,真係以為落去打個白鴿轉咋~~ 原來佢一早約埋成班人開會,老闆的哥哥都有份,但亦因為同一原因,所以有很多野佢都唔知。 一去到就即刻開會,好有趣,狗子因為無知所以無事前準備,但原來個攪手自己都係咩都冇預備,我真係覺得好失敗囉。
人齊就插 ! 成班人輪住嚟插,好在狗子平時做足功課,加上有部PDA Phone坐陣,都嚇倒吓人,加上D對手的level太底,所以好快KO咗佢哋,但個死蠢哥仔為咗懶係好似有D貢獻咁,提出一個就算唔用個屁股想吓都知廢既意見俾狗子做,隔離部門個白痴又懶係野咁附和,狗子局做呢個白痴到唔恨的安排︰預告單,等佢哋知幾時有咩貨到喎~~
其實所有供應商都是今日落單明日到貨,如果有留意吓自己的ORDER就會知幾時到貨,但偏偏供應商有冇到貨又唔知,自己有冇簽收過都唔知,最抵死係佢哋連自己落咗咩ORDER都唔知,亦不會翻查, 等個幾兩個禮拜後冇貨時才打電話上嚟投訴話冇貨收, 叫佢哋收貨時睇緊D都有錯,忙吖麻,家陣好得閒CHECK呀? 咁做張咁既表有鬼用咩~~
2007年7月11日 星期三
報告?!
小道消息指出天氣概括,大致天晴、酷熱,每朝有地區性驟雨,稍後天氣轉冷…。
近曰天氣變得越嚟越熱,朝早返工,還未上車已濕到好似落水狗。搭巴士就像過冷河,順便吹乾身。跟手搭地鐵,好運的話可以返到公司都冇濕身;運氣差的話,像昨日一樣,連頭髮也滴水。
縱使如此,也未感不適。 但轉工以來都未有好好休息,精神上只有少許疲乏,但肉體上已撐得很累。 加上公司內如同罝身雲吞世家,隔灕左右每曰都包個不亦樂乎。 眼水鼻水,想乜有乜,只要找,任何貌似雲吞類的物體都可找到,詳情請參閱他們的手中物及腳下的收集桶。
狗聞台表示,雖圍困在病家莊已多時,到現時為止錄得暈量紀錄比過去幾年有增加的趨勢,間中會有心跳快咗DD的情形。 現時初染風寒,預測每日初有頭暈,間中會有雷暴,係咁多個同事中都幾唔錯的一個。 真係「唔嫖唔知身體好,唔賭唔知運氣高」,世估唔到狗子係成個部門內最捱得果個,呢D咪叫「賤骨頭」囉!
近曰天氣變得越嚟越熱,朝早返工,還未上車已濕到好似落水狗。搭巴士就像過冷河,順便吹乾身。跟手搭地鐵,好運的話可以返到公司都冇濕身;運氣差的話,像昨日一樣,連頭髮也滴水。
縱使如此,也未感不適。 但轉工以來都未有好好休息,精神上只有少許疲乏,但肉體上已撐得很累。 加上公司內如同罝身雲吞世家,隔灕左右每曰都包個不亦樂乎。 眼水鼻水,想乜有乜,只要找,任何貌似雲吞類的物體都可找到,詳情請參閱他們的手中物及腳下的收集桶。
狗聞台表示,雖圍困在病家莊已多時,到現時為止錄得暈量紀錄比過去幾年有增加的趨勢,間中會有心跳快咗DD的情形。 現時初染風寒,預測每日初有頭暈,間中會有雷暴,係咁多個同事中都幾唔錯的一個。 真係「唔嫖唔知身體好,唔賭唔知運氣高」,世估唔到狗子係成個部門內最捱得果個,呢D咪叫「賤骨頭」囉!
2007年6月19日 星期二
死於變態
講個秘密你知,狗子真的是變態的!
上回提要,上司要狗子負責set up 個database同埋個access。 由於同事中冇乜人識電腦,有的甚至英文也不懂(不是如普遍英文程度低的那種,而是真的不懂,只知英文字母有26個,連is, and , are, or, the都唔知係乜果種), 再加上食品採購連香草類,油類的知識也很少。 所以狗子想做到好全面,中英對照,有埋解釋同用處,咁就算狗子有事突然請假,同事都可以攪得掂。
結果食飯瞓覺睇報紙傾電話行街買衫都可以同份工聯想埋一齊,一想到”咁都幾方便喎,或者可以改成咁咁咁,咪連唔識嘅都可以好易上手囉?!”,就會循這方向一直想下去,越想越興奮,直至幻想完才考慮停止,通常一想就好幾小時,都幾變態。
不過,可以講得俾第二個人知的都已不算是秘密,真正的秘密是應該連自己隱瞞,咩都冇發生過。
所以,呢一個根本不是秘密。
上回提要,上司要狗子負責set up 個database同埋個access。 由於同事中冇乜人識電腦,有的甚至英文也不懂(不是如普遍英文程度低的那種,而是真的不懂,只知英文字母有26個,連is, and , are, or, the都唔知係乜果種), 再加上食品採購連香草類,油類的知識也很少。 所以狗子想做到好全面,中英對照,有埋解釋同用處,咁就算狗子有事突然請假,同事都可以攪得掂。
結果食飯瞓覺睇報紙傾電話行街買衫都可以同份工聯想埋一齊,一想到”咁都幾方便喎,或者可以改成咁咁咁,咪連唔識嘅都可以好易上手囉?!”,就會循這方向一直想下去,越想越興奮,直至幻想完才考慮停止,通常一想就好幾小時,都幾變態。
不過,可以講得俾第二個人知的都已不算是秘密,真正的秘密是應該連自己隱瞞,咩都冇發生過。
所以,呢一個根本不是秘密。
2007年6月17日 星期日
千機變
剛轉了新環境,簡直大開眼界,不枉此行。
以前以為應有的配套,原來不是必然的。
新公司可以說是咩配件都冇,要重新set up過晒d野,開心到狗子差點找不到周公,好興奮又緊張。 係冇套的情況下,一切竟然可以好自然,仲幾好玩。 最恐怖係狗子竟然可以接受這一切,真係估佢唔到。
咁好彩中奬,點解六合彩又冇我份?
交接時像拍武俠片,除傳授武林秘笈外加18字真言︰武林中人,各懷鬼胎,行走江湖,切記不可信人。 前輩還有一個好習慣,就是太好手尾,其武學精要大都失傳。
每日不同的擊戰,比出奇蛋更吸引。 剛接手,一切都在摸索階段,像打游擊,幸好有人道救援,否則小命不保。 但救援人員一無所知,此情此境,夫復何求?!
以前以為應有的配套,原來不是必然的。
新公司可以說是咩配件都冇,要重新set up過晒d野,開心到狗子差點找不到周公,好興奮又緊張。 係冇套的情況下,一切竟然可以好自然,仲幾好玩。 最恐怖係狗子竟然可以接受這一切,真係估佢唔到。
咁好彩中奬,點解六合彩又冇我份?
交接時像拍武俠片,除傳授武林秘笈外加18字真言︰武林中人,各懷鬼胎,行走江湖,切記不可信人。 前輩還有一個好習慣,就是太好手尾,其武學精要大都失傳。
每日不同的擊戰,比出奇蛋更吸引。 剛接手,一切都在摸索階段,像打游擊,幸好有人道救援,否則小命不保。 但救援人員一無所知,此情此境,夫復何求?!
2007年6月16日 星期六
2007年6月6日 星期三
河馬篇 神洲自由行 序章
河馬由一個小薯仔(Trainee=做到趴街)做到大薯仔(Senior=做得仲趴街), 由難民營(出現好似貨倉o既檯)坐到雜物倉(好多箱單o既房), 由好小型o既"垃圾"公司(多數d單同垃圾無分別)做到好似"好大型"o既上市公司(係"好似", 真係"好似"), 不經不覺, o係依家間公司已經做o左三年到.
頭o個年幾都係o係香港慢慢渡過, 點知上年(2006年)年頭, 老闆有隻Job去神洲(祖國), 河馬獲"邀請"陪同上司一同去, 而且係去神洲o既大西北~新彊o既烏魯木齊~~
去完烏魯木齊之後的一年, 除o左有幾日要北上深圳點貨外, 都再無Job要北望神洲, 點之咁風平浪靜o既日子, 原來係暴風雨o既前夕......
由上年12月知道有同事要組織"雲南小隊"北上長征後, 河馬自己都收到"路邊社"~路人甲o既可靠消息, 河馬都要北上長征!! "路邊社"的路人乙分析出多個地點, 但確實地點未定......
而河馬o既神洲自由行就由今年(2007年)1月開始起行, 由南至北, 由大城市到大草原(差d去到), 由零下二十多度o既雪景到零上三十度o既火爐, 河馬都o係呢五個月經歷過. 經過計算後, 由公司要北上出Job到河馬與小狗子去o左一次台灣旅行, 河馬由2007年1月1日到2007年5月31日, 總共搭o左16次飛機, 平均9.4日搭一次, 多過河馬o係呢五個月搭香港的士o既數目......
頭o個年幾都係o係香港慢慢渡過, 點知上年(2006年)年頭, 老闆有隻Job去神洲(祖國), 河馬獲"邀請"陪同上司一同去, 而且係去神洲o既大西北~新彊o既烏魯木齊~~
去完烏魯木齊之後的一年, 除o左有幾日要北上深圳點貨外, 都再無Job要北望神洲, 點之咁風平浪靜o既日子, 原來係暴風雨o既前夕......
由上年12月知道有同事要組織"雲南小隊"北上長征後, 河馬自己都收到"路邊社"~路人甲o既可靠消息, 河馬都要北上長征!! "路邊社"的路人乙分析出多個地點, 但確實地點未定......
而河馬o既神洲自由行就由今年(2007年)1月開始起行, 由南至北, 由大城市到大草原(差d去到), 由零下二十多度o既雪景到零上三十度o既火爐, 河馬都o係呢五個月經歷過. 經過計算後, 由公司要北上出Job到河馬與小狗子去o左一次台灣旅行, 河馬由2007年1月1日到2007年5月31日, 總共搭o左16次飛機, 平均9.4日搭一次, 多過河馬o係呢五個月搭香港的士o既數目......
2007年6月3日 星期日
羅密歐與茱麗葉
剛與小河馬欣賞完「法國五月:查理斯‧法蘭瓦斯‧古諾 ─羅密歐與茱麗葉 ─ 愛:矢志不渝、生死不棄(五幕歌劇) 《 Roméo et Juliette ─the tragedy of all tragedies) 》很失望。
上一套睇完而失望的歌劇是西貢小姐,是小河馬第一套睇的歌劇。 那一次只有當旁白的”龜公”的演出能扣人心弦,其他的演出者只是按指定的劇本與動作而演出,談不上有任何的吸引力。
對上一套的歌劇是《Turandot 》《杜蘭朵》和《The Phantom of the Opera》《歌聲魅影》,前者劇中所有演員的演出很有張力,很吸引,而莫華倫先生(Warren Mok)的演出更深深吸引小河馬及小狗子;後者的佈景及演員以超水準的演繹出整個劇目。
但今晚的節目~Romeo & Juliette,由莫生監製,演員羅密歐(莫生)、他的隨從、茱麗葉的奶媽、神父及群眾的演出均不分出色,但其他的角色則只能按劇本影出,没有引人入勝的感覺,尢以當女主角的亞爾芭(著名女高音魯斯.蒂.亞爾芭擔綱演出),完全不能演繹茱麗葉的性格和感覺﹙不論聲線及外型﹚,她的聲線其實不差,但缺乏感情。 最奇怪的地方是2人深愛對方,但談情說愛時則面向觀眾,從不對望談情,到後期茱麗葉翻生後得知羅密歐已服毒,倒在床邊的地上,離死不遠,她只顧爬回床上尋死,再伸出手來拖著床下的羅密歐,只是手拖手但並不想再見多幾面,而不是相擁對望至死。 唔知係咪因為不可背對觀眾,所以咁做,但《杜》劇都不會出現如此不協調的感覺。
10月份莫生再到港演出並監製《阿依達》《Aida》,很喜歡此故事,也期待很久,但經過今晚的opera,信心有點動搖了。
上一套睇完而失望的歌劇是西貢小姐,是小河馬第一套睇的歌劇。 那一次只有當旁白的”龜公”的演出能扣人心弦,其他的演出者只是按指定的劇本與動作而演出,談不上有任何的吸引力。
對上一套的歌劇是《Turandot 》《杜蘭朵》和《The Phantom of the Opera》《歌聲魅影》,前者劇中所有演員的演出很有張力,很吸引,而莫華倫先生(Warren Mok)的演出更深深吸引小河馬及小狗子;後者的佈景及演員以超水準的演繹出整個劇目。
但今晚的節目~Romeo & Juliette,由莫生監製,演員羅密歐(莫生)、他的隨從、茱麗葉的奶媽、神父及群眾的演出均不分出色,但其他的角色則只能按劇本影出,没有引人入勝的感覺,尢以當女主角的亞爾芭(著名女高音魯斯.蒂.亞爾芭擔綱演出),完全不能演繹茱麗葉的性格和感覺﹙不論聲線及外型﹚,她的聲線其實不差,但缺乏感情。 最奇怪的地方是2人深愛對方,但談情說愛時則面向觀眾,從不對望談情,到後期茱麗葉翻生後得知羅密歐已服毒,倒在床邊的地上,離死不遠,她只顧爬回床上尋死,再伸出手來拖著床下的羅密歐,只是手拖手但並不想再見多幾面,而不是相擁對望至死。 唔知係咪因為不可背對觀眾,所以咁做,但《杜》劇都不會出現如此不協調的感覺。
10月份莫生再到港演出並監製《阿依達》《Aida》,很喜歡此故事,也期待很久,但經過今晚的opera,信心有點動搖了。
2007年5月30日 星期三
馬狗兵法
最近因手指的事、學業和找新工作而煩惱,經常因為一些少事或不如意的事而開戰,但多謝某匹馬一直支持(當然唔係默默果隻啦~),同狗子駁火,從而訓練彼此的口材與轉數,獲益良多。
小馬深知狗子期望自己各方面都可以做得更好,最好超越期望,而且做咗都唔想俾人知,怕羞麻。 但很多時都因為盡力做的關係而減少休息的時間,而且不斷加壓,催眠自己做得很差,奢望隻手指可以在一秒間復原。 近排考試、功課接踵而來,亦需要安排時間找新工作,有很多時間預備,照道理,休息時間應有增無減,但偏偏休息時間以幾何級數遞減,少咗休息,個傷口又點會好。 因此與小馬掀起序幕,開火不下數十次,追擊及暗殺不斷。 雙方展示軍備勢力,順手做埋運動減吓肥,一舉幾得。
可能因為戰火連連,狗子開始收歛,減少開火(緩和暴躁的情緒),轉攻突襲,每次投彈2、3枚。 此戰術可減少戰爭時間,加快收工的速度,鳴金收兵,年中慳不少。
我想,我哋就嚟可以出書,講吓兵法吹吓軍備,應該有得做嘅。
小馬深知狗子期望自己各方面都可以做得更好,最好超越期望,而且做咗都唔想俾人知,怕羞麻。 但很多時都因為盡力做的關係而減少休息的時間,而且不斷加壓,催眠自己做得很差,奢望隻手指可以在一秒間復原。 近排考試、功課接踵而來,亦需要安排時間找新工作,有很多時間預備,照道理,休息時間應有增無減,但偏偏休息時間以幾何級數遞減,少咗休息,個傷口又點會好。 因此與小馬掀起序幕,開火不下數十次,追擊及暗殺不斷。 雙方展示軍備勢力,順手做埋運動減吓肥,一舉幾得。
可能因為戰火連連,狗子開始收歛,減少開火(緩和暴躁的情緒),轉攻突襲,每次投彈2、3枚。 此戰術可減少戰爭時間,加快收工的速度,鳴金收兵,年中慳不少。
我想,我哋就嚟可以出書,講吓兵法吹吓軍備,應該有得做嘅。
2007年5月29日 星期二
第十二回合 定局
再次覆診時,已被指頭的傷弄致心力交瘁。 一方面很想覆診求解決,另一方面也很清楚再覆診會有麼下場。
像塞綿花這等事雖不像拔指甲般名留青史,但也有類似酷刑在中世紀的歐洲盛行,那是用一支大樹幹從口或從肛門塞進去,穿過身體直至從另一處插出來。 每當有酷刑上演,每家每户都扶老攜幼,帶同食物和飲料,像郊遊、野餐般聚集起來,在當時的社會來說是唯一的娛樂,他們興奮地等待節目的高潮。 可能由於當時的社會貧富懸殊以及被長期壓榨,他們不求公平,只求發洩。 當用刑完畢,那受刑者(或者可以叫做果堆野,通常用刑後都不像人形物體)會被群眾搶奪得更加支離破碎。 相傳有辟邪,治病之用。
雖然綿花不像樹幹般又大又硬,但也夠受的,在原本甲肉相連的位置夾硬塞入外物的滋味真的不想再嘗。 突然驚覺自己原來類似拔指甲的滋味也經歷過,已忘了那一次因衰乜而要剪掉整塊腳甲,其過程簡直一試難忘,絕不傾心。
等下等下,終於到我喇,拆除所有包裝後,隻手指的情況略有改善,可以不用覆診,但要繼續剪多d指甲以及塞綿花去撐大d個空間俾多d空間隻手指復原。 由於此事狗子落唔到手,所以交由河馬仔全權負責,因為佢不會覺得痛。
個傷口已成定局,已没任何事可以做,只有靜待慢慢康復。
像塞綿花這等事雖不像拔指甲般名留青史,但也有類似酷刑在中世紀的歐洲盛行,那是用一支大樹幹從口或從肛門塞進去,穿過身體直至從另一處插出來。 每當有酷刑上演,每家每户都扶老攜幼,帶同食物和飲料,像郊遊、野餐般聚集起來,在當時的社會來說是唯一的娛樂,他們興奮地等待節目的高潮。 可能由於當時的社會貧富懸殊以及被長期壓榨,他們不求公平,只求發洩。 當用刑完畢,那受刑者(或者可以叫做果堆野,通常用刑後都不像人形物體)會被群眾搶奪得更加支離破碎。 相傳有辟邪,治病之用。
雖然綿花不像樹幹般又大又硬,但也夠受的,在原本甲肉相連的位置夾硬塞入外物的滋味真的不想再嘗。 突然驚覺自己原來類似拔指甲的滋味也經歷過,已忘了那一次因衰乜而要剪掉整塊腳甲,其過程簡直一試難忘,絕不傾心。
等下等下,終於到我喇,拆除所有包裝後,隻手指的情況略有改善,可以不用覆診,但要繼續剪多d指甲以及塞綿花去撐大d個空間俾多d空間隻手指復原。 由於此事狗子落唔到手,所以交由河馬仔全權負責,因為佢不會覺得痛。
個傷口已成定局,已没任何事可以做,只有靜待慢慢康復。
2007年5月27日 星期日
第十一回合 捲土重來?!
兩天後,狗子依時應約。 天色晴朗,好似會有好事發生。
自問出院後,除了因為炆豬而不小心咁插沙、夾手指同唔覺意咁撞過幾吓外,應該都可以對得住隻手指啩。 覆診時還一邊拆開包裝檢查一邊講笑,開封後醫師取出綿花棒吸取消毒藥水洗刷傷口。
刷吓刷吓,狗子發現有點異常,個傷口上有件物體黏得很穏固,洗咗好耐都仲存在。 好學的狗子當然立即發問,在場人士都顯得十分雀躍,醫師更加倍用力洗刷,期望刮掉這塊類似血塊的物體。 多得他的用心良苦,狗子痛得鬼叫連連,一秒間,由睡眠不足的狀態變成精神抖擻,快過打針。
洗刷一輪後,經在座各方友好的參詳下,得出一結論~佢好似生番出嚟噃!!
乜咁唔捨得我呀,之但係我唔係好想再見你喎。 不得已下,醫師決定嘗試塞一些已吸取消毒藥水的藥綿落隻手指的指甲與指肉之間,加大指甲與指肉之間的隙縫,斷估應該有效,兩日後再見。 如下次會面情況依舊,可考慮拔掉整塊指甲,效果會更加好喎!!
後記︰同日回到家中,收到政府醫院來信告知改時間為5月28日睇症,睇唔睇好? 之後因為見工,咁就冇去到喇~~
自問出院後,除了因為炆豬而不小心咁插沙、夾手指同唔覺意咁撞過幾吓外,應該都可以對得住隻手指啩。 覆診時還一邊拆開包裝檢查一邊講笑,開封後醫師取出綿花棒吸取消毒藥水洗刷傷口。
刷吓刷吓,狗子發現有點異常,個傷口上有件物體黏得很穏固,洗咗好耐都仲存在。 好學的狗子當然立即發問,在場人士都顯得十分雀躍,醫師更加倍用力洗刷,期望刮掉這塊類似血塊的物體。 多得他的用心良苦,狗子痛得鬼叫連連,一秒間,由睡眠不足的狀態變成精神抖擻,快過打針。
洗刷一輪後,經在座各方友好的參詳下,得出一結論~佢好似生番出嚟噃!!
乜咁唔捨得我呀,之但係我唔係好想再見你喎。 不得已下,醫師決定嘗試塞一些已吸取消毒藥水的藥綿落隻手指的指甲與指肉之間,加大指甲與指肉之間的隙縫,斷估應該有效,兩日後再見。 如下次會面情況依舊,可考慮拔掉整塊指甲,效果會更加好喎!!
後記︰同日回到家中,收到政府醫院來信告知改時間為5月28日睇症,睇唔睇好? 之後因為見工,咁就冇去到喇~~
2007年5月21日 星期一
第十回合 小插曲
在養和渡假期間,發生了不少趣聞。
話說入院安頓後,狗子便到洗手間一遊。 每一格均設有一個1元硬幣般大小的紅色緊急按鈕,並附有溫馨提示。 當狗子享用後立即飛奔往小河馬的身旁,send 短訊予小山︰「有冇試過有人喺洗手間按緊急掣話冇廁紙?」。 數日後小山的回覆是從未試過因没有或廁紙不足而按掣求助,而是常常把此按鈕誤作沖水掣,每天數次。
次日,醫師到來檢查後,開了一些藥予狗子回家享用。 在等待收貨期間,小河馬突然拋下一句︰「出去行吓囉。」便拉著小狗子以九秒九的速度離開病房。 事緣鄰床的主診醫師遵守諾言,讓婆婆盡情解放。
没多久,小狗發現漏了一些筆記在床,與河馬一起折返病房,即發現醫師功力之强!! (離遠已嗅到其氣味了!),入到病房後,雖已圍上布幕,但也可聽到姑娘及助謢的打氣聲︰「啱喇,唔好咁心急,慢慢嚟。 俾心機,用力!!」。 味道更强,噢~暈得一陣陣。 唔得啦,撤退!! 事後,小河馬提出有私事要解決,機靈的小狗子隨即提出一個建設性的方案︰「使唔使我在門口替你打氣加油呀? 不過冇啦啦球喎!」,此話一出換來一輪毒打。 喂喂,我只是活學活用,都有錯?!
話說入院安頓後,狗子便到洗手間一遊。 每一格均設有一個1元硬幣般大小的紅色緊急按鈕,並附有溫馨提示。 當狗子享用後立即飛奔往小河馬的身旁,send 短訊予小山︰「有冇試過有人喺洗手間按緊急掣話冇廁紙?」。 數日後小山的回覆是從未試過因没有或廁紙不足而按掣求助,而是常常把此按鈕誤作沖水掣,每天數次。
次日,醫師到來檢查後,開了一些藥予狗子回家享用。 在等待收貨期間,小河馬突然拋下一句︰「出去行吓囉。」便拉著小狗子以九秒九的速度離開病房。 事緣鄰床的主診醫師遵守諾言,讓婆婆盡情解放。
没多久,小狗發現漏了一些筆記在床,與河馬一起折返病房,即發現醫師功力之强!! (離遠已嗅到其氣味了!),入到病房後,雖已圍上布幕,但也可聽到姑娘及助謢的打氣聲︰「啱喇,唔好咁心急,慢慢嚟。 俾心機,用力!!」。 味道更强,噢~暈得一陣陣。 唔得啦,撤退!! 事後,小河馬提出有私事要解決,機靈的小狗子隨即提出一個建設性的方案︰「使唔使我在門口替你打氣加油呀? 不過冇啦啦球喎!」,此話一出換來一輪毒打。 喂喂,我只是活學活用,都有錯?!
第九回合 母親節
一出册便立刻致電媽媽,但一如過往,她忘了開電話。 無奈下致電小山山詢問娘的下落。 由於是日乃母親節,故開閘放狗後便趕赴小河馬的祖母,母親及姨姨的飯局,順道代河馬仔的外甥請飲茶。 因翌日小河馬便出塞,飯後便與小馬馬添置裝備,閒逛一輪便回小狗家伴爹爹飯飯。
由於小狗子與小河馬的家相距甚遠,故除了其中一方因身體狀況問題(如因病或受傷而引致不能走動),飯局外,均不用相送,免浪費金錢及時間。 於返家途中,娘親致電問候,閒談中得悉教會是晚的音樂會有剩票。 由於是次活動的費用由教會支出。 不論所費多少,都不應浪費教會的一分一毫,便答允出席。 由於小馬馬於翌日出征,故只倍伴狗子回家重整行囊,輕裝待發,到沙田飯飯後與媽媽會合。
飯後與河馬仔分道揚鑣,獨自到沙田大會堂等候母親,等候其間慘遭一連串冇組織性的打擊。 真人不露相,教友們都可以一擊即中,出手快而準,每一次出擊都是一連串的空襲。 也不能怪他們,其實他們也不知到狗子的傷勢。 這傷的出處很離奇,事源已相隔很長時期没有注射破傷風疫苗,話說當日在急診室檢查,護士得悉後立時替狗子注射於臂膀。 本來打針也不是什麼一回事,就在入院前幾天該針位已腫脹及變得瘀黑。 因地制宜,在養和渡假時也一併治理。
入場了,由於娘已約了朋友坐在一起,故狗子獨自坐在後排。 根據劇本,尾排應留給工作人員作放置器材,作攝錄台上的一切的作業區。 幸運地,狗子按圖索驥,發現該位置已放了一部小型的Panel, 經磋商後狗子隨意找個坐位,晚會便開始了。 節目進行途中,陰風陣陣,才驚覺没有外套隨身。 其實都不算冷,没有加衣的需要,但因空氣變冷引致傷口作痛,才是致命傷。
好不容易等到完場,由於大門已開,場內的冷空氣與場外的暖空氣交流,氣溫解凍使傷口的痛楚開始放緩。 由於娘的友人也在表演者之列,她定必上前道賀,加上傷口痛之入骨,狗子動彈不得,眼見被龍的傳人包圍(很多人排隊離場,人龍處處),如在場外等候娘必然很麻煩,故守株待兔,靜待娘行近才離席。 在小狗找到目標人物時,一名不知死活的勇者擋在眼前,還很親切的問候,好不容易的打發後,目標人物又失去蹤影。 幸好尋著已可離場了。
是夜山山和苗苗與爹飯飯,兩姊妹一人一邊,使父母倆都不致被冷落。
由於小狗子與小河馬的家相距甚遠,故除了其中一方因身體狀況問題(如因病或受傷而引致不能走動),飯局外,均不用相送,免浪費金錢及時間。 於返家途中,娘親致電問候,閒談中得悉教會是晚的音樂會有剩票。 由於是次活動的費用由教會支出。 不論所費多少,都不應浪費教會的一分一毫,便答允出席。 由於小馬馬於翌日出征,故只倍伴狗子回家重整行囊,輕裝待發,到沙田飯飯後與媽媽會合。
飯後與河馬仔分道揚鑣,獨自到沙田大會堂等候母親,等候其間慘遭一連串冇組織性的打擊。 真人不露相,教友們都可以一擊即中,出手快而準,每一次出擊都是一連串的空襲。 也不能怪他們,其實他們也不知到狗子的傷勢。 這傷的出處很離奇,事源已相隔很長時期没有注射破傷風疫苗,話說當日在急診室檢查,護士得悉後立時替狗子注射於臂膀。 本來打針也不是什麼一回事,就在入院前幾天該針位已腫脹及變得瘀黑。 因地制宜,在養和渡假時也一併治理。
入場了,由於娘已約了朋友坐在一起,故狗子獨自坐在後排。 根據劇本,尾排應留給工作人員作放置器材,作攝錄台上的一切的作業區。 幸運地,狗子按圖索驥,發現該位置已放了一部小型的Panel, 經磋商後狗子隨意找個坐位,晚會便開始了。 節目進行途中,陰風陣陣,才驚覺没有外套隨身。 其實都不算冷,没有加衣的需要,但因空氣變冷引致傷口作痛,才是致命傷。
好不容易等到完場,由於大門已開,場內的冷空氣與場外的暖空氣交流,氣溫解凍使傷口的痛楚開始放緩。 由於娘的友人也在表演者之列,她定必上前道賀,加上傷口痛之入骨,狗子動彈不得,眼見被龍的傳人包圍(很多人排隊離場,人龍處處),如在場外等候娘必然很麻煩,故守株待兔,靜待娘行近才離席。 在小狗找到目標人物時,一名不知死活的勇者擋在眼前,還很親切的問候,好不容易的打發後,目標人物又失去蹤影。 幸好尋著已可離場了。
是夜山山和苗苗與爹飯飯,兩姊妹一人一邊,使父母倆都不致被冷落。
第八回合 出册
安眠藥真的很强!! 享用過後,兩腳一伸,狗子像睡了般死去。 以為有了安眠藥的幫助,可以不用早起,一覺睡到小河馬的來臨。 可惜,乖巧的狗子早已醒了,真的犯賤!! 一醒來,立時發現鄰舍的床第之間都放了很多的成人Pampers(被包圍了T.T),已砌成方型柱狀物,差點可以砌成一幅牆了。
欣賞過如此壯麗之景色,乖巧的小狗子開始投入炆豬的狀態,靜待小山山和小河馬的到臨。 昨晚因為服用安眠藥的關係姑娘落閘之防狗子跌落床(食咗安眠藥係一定要落閘,這是規矩),本應睡醒了就要按鐘要求開閘。 只見車水馬龍之景象, 反正小河馬與小山山還未到,而且很少機會被人鎖在床上﹙活像B. B 床﹚,直等到小馬馬的到訪才開閘。 結果小河馬以半個鐘頭之差比小山早到,一出閘便要河馬仔拿取清潔用品,侍候狗子收拾昨晚因睡覺而四散了的五官。
趁醫師未殺到之際,我倆作了一個很神聖的決定,拜祭五臟廟。 食食吓小山山又到,難得人齊當然拍照留念,以證曾到此一遊。 才返回病房,醫師趕到了。 待姑娘預備一切,便大刑侍候。 先把綿花棒吸取適量的消毒藥水,於傷口上刮刮吓咁洗刷血跡,效力比威而鋼(Viagra)還要强!! 一出招立刻龍精虎猛,脫胎換骨!!
用刑完畢,醫師告知週二覆診後應告一段落,希望係啦~~
欣賞過如此壯麗之景色,乖巧的小狗子開始投入炆豬的狀態,靜待小山山和小河馬的到臨。 昨晚因為服用安眠藥的關係姑娘落閘之防狗子跌落床(食咗安眠藥係一定要落閘,這是規矩),本應睡醒了就要按鐘要求開閘。 只見車水馬龍之景象, 反正小河馬與小山山還未到,而且很少機會被人鎖在床上﹙活像B. B 床﹚,直等到小馬馬的到訪才開閘。 結果小河馬以半個鐘頭之差比小山早到,一出閘便要河馬仔拿取清潔用品,侍候狗子收拾昨晚因睡覺而四散了的五官。
趁醫師未殺到之際,我倆作了一個很神聖的決定,拜祭五臟廟。 食食吓小山山又到,難得人齊當然拍照留念,以證曾到此一遊。 才返回病房,醫師趕到了。 待姑娘預備一切,便大刑侍候。 先把綿花棒吸取適量的消毒藥水,於傷口上刮刮吓咁洗刷血跡,效力比威而鋼(Viagra)還要强!! 一出招立刻龍精虎猛,脫胎換骨!!
用刑完畢,醫師告知週二覆診後應告一段落,希望係啦~~
2007年5月18日 星期五
第七回合 主在帶領
傷口一直陣痛,一下一下的。 十指痛歸心,每一次的痛楚不只無名指在獨自承受,成隻左手的手指都可享受得到,除了手指公外。 當然啦,手指公又唔合群兼被其他的手指排擠,但我也不希望所有左手的手指都痛。
雖然痛,但清楚感受到生命力的旺盛,感覺到手指的傷口在活動,好像派對一般熱鬧。造物主真奇妙,享受著傷口被治理中的跳躍感覺,好特別,好得意。
當狗子想好好的享受著痛楚地嘗試入時睡,鄰床的婆婆開始便意來臨,想要便便。由於她行動不便,每次大小解也需要她的看護搬來一張便椅讓她解決,不幸的是,由於地方小,便椅放在我與她的床之間。她整晚不斷的被搬上床後又下床解決,爬上床後平均每隔五至10分鐘後嚷著要便便。只見她的看護有禮地不斷的向婆婆解釋她的身體不能承受這麼多次的劇烈活動(不只她,我也忍受不了,雖說有塊簾作分隔,而且放下便椅後還有一條羊腸小徑,但氣味是可以穿越這一切!!)。
終於,狗子在忍無可忍下要求安眠藥,順理成章連止痛藥一併吞下,不單單是為傷了口的痛,最重要的是毒氣襲撃。 我開始後悔日間時對手指的便便包紮論。 對面床和鄰床的病人需用呼吸機,不斷發出像煲水的聲音,而且行動不便需用成人的Pampers,需每隔半個鐘便量度體溫及血壓。日間只掛著做手術及食食,很少留在病房,故現在才知同房的活動是如此熱鬧。嘈吵的環境也可入睡,但氣味就…真的不能接受!!
終於在昏昏欲睡之際,她的主診醫生來檢查時應允明早替她解放出來,了結婆婆的心願,安心去了(睡覺)。
雖然痛,但清楚感受到生命力的旺盛,感覺到手指的傷口在活動,好像派對一般熱鬧。造物主真奇妙,享受著傷口被治理中的跳躍感覺,好特別,好得意。
當狗子想好好的享受著痛楚地嘗試入時睡,鄰床的婆婆開始便意來臨,想要便便。由於她行動不便,每次大小解也需要她的看護搬來一張便椅讓她解決,不幸的是,由於地方小,便椅放在我與她的床之間。她整晚不斷的被搬上床後又下床解決,爬上床後平均每隔五至10分鐘後嚷著要便便。只見她的看護有禮地不斷的向婆婆解釋她的身體不能承受這麼多次的劇烈活動(不只她,我也忍受不了,雖說有塊簾作分隔,而且放下便椅後還有一條羊腸小徑,但氣味是可以穿越這一切!!)。
終於,狗子在忍無可忍下要求安眠藥,順理成章連止痛藥一併吞下,不單單是為傷了口的痛,最重要的是毒氣襲撃。 我開始後悔日間時對手指的便便包紮論。 對面床和鄰床的病人需用呼吸機,不斷發出像煲水的聲音,而且行動不便需用成人的Pampers,需每隔半個鐘便量度體溫及血壓。日間只掛著做手術及食食,很少留在病房,故現在才知同房的活動是如此熱鬧。嘈吵的環境也可入睡,但氣味就…真的不能接受!!
終於在昏昏欲睡之際,她的主診醫生來檢查時應允明早替她解放出來,了結婆婆的心願,安心去了(睡覺)。
第六回合 戰後實錄
醫師臨行前,不忘稱讚小河馬與小狗子,「你倆公婆都算變態喇,大家心靈相通,就算未婚也不要緊,打風都走唔甩!!」,使我倆大為感動。話說手術進行中我倆一直投訴看不到整個過程,完成後亦嚷著要求看看那嚿肉,為了滿足我倆的心願,醫師及護士很仔細的找,醫師謂,「為了滿足你兩個變態的心願,死都找得到!!」,翻箱倒篋,可惜也找不著。 我心裏不禁懷疑其實最變態的就是醫師,食咗我嚿肉!!
趁著麻醉藥未過兼等待鬆綁,我倆一起到了餐廳享用了原煲鮑魚鷄球煲仔飯,加埋蛋白燉鮮奶,真係一流!! 飯飯後時間尚早(小河馬未走),叫小馬馬幫忙收拾行裝去洗澡。 其實一入院(不論閣下住多少天)就可以得到「迎新禮品」一份(只得一份),內含洗頭水、沐浴露、手巾仔,膠梳及牙膏牙刷同膠杯乙個,精緻又大方。
淨身後靜待救兵到臨,一鬆綁,小馬馬就要走了。好可憐的一隻小河馬啊,孤伶伶的搖著尾巴自己回家了,剩下一條小狗子,很乖巧的自己一個溫書書,等那隻衰貓﹙細妹~Hill Hill﹚收工,她在鄰近的病房工作。當炆豬豬炆到麻醉藥開始散時,她現身了。傷口有少少痛之餘仲要被她責怪竟把她的戲言當真,真的不留一點點煲仔飯予她。 趁機留倩影,合照後她就走了。一條小狗子,搖著尾巴開始收拾一切預備找周公。
趁著麻醉藥未過兼等待鬆綁,我倆一起到了餐廳享用了原煲鮑魚鷄球煲仔飯,加埋蛋白燉鮮奶,真係一流!! 飯飯後時間尚早(小河馬未走),叫小馬馬幫忙收拾行裝去洗澡。 其實一入院(不論閣下住多少天)就可以得到「迎新禮品」一份(只得一份),內含洗頭水、沐浴露、手巾仔,膠梳及牙膏牙刷同膠杯乙個,精緻又大方。
淨身後靜待救兵到臨,一鬆綁,小馬馬就要走了。好可憐的一隻小河馬啊,孤伶伶的搖著尾巴自己回家了,剩下一條小狗子,很乖巧的自己一個溫書書,等那隻衰貓﹙細妹~Hill Hill﹚收工,她在鄰近的病房工作。當炆豬豬炆到麻醉藥開始散時,她現身了。傷口有少少痛之餘仲要被她責怪竟把她的戲言當真,真的不留一點點煲仔飯予她。 趁機留倩影,合照後她就走了。一條小狗子,搖著尾巴開始收拾一切預備找周公。
2007年5月16日 星期三
第五回合 還擊
出兵的時刻來臨,小河馬原想臨陣脫逃,但走避不及,臨危受命作出氣袋供小狗子大人使用。
醫師先在敵陣打一針(於手指頭最痛的位置落手),輸入同手指差不多份量的麻醉劑(大佬,果度冇咩位咋,入咁多份量,有種谷爆的感覺)。 個醫師話最好係呢個方法,另一個方法是在手指﹙近手掌位﹚左右各打一針(你殺咗我好過,事後想起都覺得自己很蠢,一棍扑暈我仲好,麻醉藥都省下,冇咁貴!!)。
落刀喇, 全靠果一針,知覺全失,好似睇緊別人的手指做手術,冇乜真實感,但又比戰狼300更為逼真。 事先醫師吩咐小河馬替狗子調整張床的角度,以便狗子以一個較舒適的姿態做手術。 狗子一心想著要好好欣賞整個過程,但一直被醫師的手遮蓋,以致小河馬和狗子都看不到過程,只看到結果。
在一輪腥風血雨後,隻血流如注的手指安詳的躺於檯上。 重臨舊地,從遺跡上顯示曾經歷過血肉橫飛的壯麗場面。 而施刀的位置更顯出醫師的刀術高明,下刀快而準,細膩而流暢。 但由於傷口的位置問題,不可能縫針,只有等待復合的時機,在血拚後醫師替狗子紮到好似條芝士腸咁,再加上壓力膠布,立時由芝士腸變成一嚿便便(嘔~)。
隻手指變身後,醫師觀察了狗子容身的病房後後應允給予止痛藥及安眠藥,除了因麻醉藥力過後所帶來的劇痛,更因環境噪雜而失眠。當時狗子很感激有止痛藥的助陣,但自認不用安眠藥的幫助也可以入睡。
由於止血的關係,所以紮得很實,故醫師吩咐姑娘晚一點替狗子鬆綁。
醫師先在敵陣打一針(於手指頭最痛的位置落手),輸入同手指差不多份量的麻醉劑(大佬,果度冇咩位咋,入咁多份量,有種谷爆的感覺)。 個醫師話最好係呢個方法,另一個方法是在手指﹙近手掌位﹚左右各打一針(你殺咗我好過,事後想起都覺得自己很蠢,一棍扑暈我仲好,麻醉藥都省下,冇咁貴!!)。
落刀喇, 全靠果一針,知覺全失,好似睇緊別人的手指做手術,冇乜真實感,但又比戰狼300更為逼真。 事先醫師吩咐小河馬替狗子調整張床的角度,以便狗子以一個較舒適的姿態做手術。 狗子一心想著要好好欣賞整個過程,但一直被醫師的手遮蓋,以致小河馬和狗子都看不到過程,只看到結果。
在一輪腥風血雨後,隻血流如注的手指安詳的躺於檯上。 重臨舊地,從遺跡上顯示曾經歷過血肉橫飛的壯麗場面。 而施刀的位置更顯出醫師的刀術高明,下刀快而準,細膩而流暢。 但由於傷口的位置問題,不可能縫針,只有等待復合的時機,在血拚後醫師替狗子紮到好似條芝士腸咁,再加上壓力膠布,立時由芝士腸變成一嚿便便(嘔~)。
隻手指變身後,醫師觀察了狗子容身的病房後後應允給予止痛藥及安眠藥,除了因麻醉藥力過後所帶來的劇痛,更因環境噪雜而失眠。當時狗子很感激有止痛藥的助陣,但自認不用安眠藥的幫助也可以入睡。
由於止血的關係,所以紮得很實,故醫師吩咐姑娘晚一點替狗子鬆綁。
第四回合 佈局
養和醫院有三寶,分別是止痛藥、姑娘﹙靚女護士﹚及原煲鮑魚鷄球煲仔飯。 於醫師的安排下,終於有機會一嘗此三寶之威力。
由於敵方陣營强大,不得不找外援﹙醫師﹚撐場,惜外援的器材不夠完善,若要成功,必需轉移陣地,重整旗鼓,才能把叛軍一舉纖滅。
身處香港不等於熟悉成個香港的所有地方,若要到一個不熟悉的地方,有三個方法非常好用,第一個同第二個都是免費的,分別是路人和警察,前者未必懂得如何到達,後者未必可尋;第二個方法需要以金錢作代價,銀碼不定,視乎目的地的位置與閣下所在地的距離而定~的士。由於12號當天的天氣炎熱加上不大熟路,於是選取了一個最有效的第三個方法。
剛抵埗便被其富麗堂皇的大堂所吸引,酒店式管理及招待,感覺賓至如歸(咁就死得啦,醫院是你家~)。 Check-in後引領至所屬病房整理隨身物品,同房的還有4個婆婆。
只見護士們忙著照顧各人,自己也準備好所有文件,與小河馬雙雙研究養和的小册子,介紹其服務及設施。還未看完該批小册子,便有探子(姑娘)前來問候及檢查,以及回覆於什麼時辰出撃﹙手術於何時進行﹚。
身處香港不等於熟悉成個香港的所有地方,若要到一個不熟悉的地方,有三個方法非常好用,第一個同第二個都是免費的,分別是路人和警察,前者未必懂得如何到達,後者未必可尋;第二個方法需要以金錢作代價,銀碼不定,視乎目的地的位置與閣下所在地的距離而定~的士。由於12號當天的天氣炎熱加上不大熟路,於是選取了一個最有效的第三個方法。
剛抵埗便被其富麗堂皇的大堂所吸引,酒店式管理及招待,感覺賓至如歸(咁就死得啦,醫院是你家~)。 Check-in後引領至所屬病房整理隨身物品,同房的還有4個婆婆。
只見護士們忙著照顧各人,自己也準備好所有文件,與小河馬雙雙研究養和的小册子,介紹其服務及設施。還未看完該批小册子,便有探子(姑娘)前來問候及檢查,以及回覆於什麼時辰出撃﹙手術於何時進行﹚。
2007年5月14日 星期一
第三回合 偷襲
兩天後形勢急轉直下,敵方再次埋伏反擊,趁我方因勝利而鬆懈時大舉入侵,規模日漸強大。 我方謹記醫師之錦囊,其時身處港島東,故速往東區求見。
東區之醫師經仔細瞭解軍情後得出一結論︰「此傷口由於埋口埋得差,咁就生咗嚿肉,再加上其地理位置於無名指之指甲旁,就算没有被其他手指的指甲割損,也會被本身果塊指甲生長時割損。一日不除,只會不斷重覆受傷、發炎、流血。但手指位屬骨科範疇,我轉介你去睇骨科啦!」
依言到骨科登記,但由於現正實施分流措施,又唔知點解明明用internet同internat作各醫院之交流,竟不能跨區登記!!! 回到所屬分區醫院預約,其告示註明現時預約之排期為2008年09月,被告知收信等回音。
終於收到回音了,訂於2008年09月01日,好日子!! 於河馬的家人安排下約見另一醫師,盡快往醫院切除。
東區之醫師經仔細瞭解軍情後得出一結論︰「此傷口由於埋口埋得差,咁就生咗嚿肉,再加上其地理位置於無名指之指甲旁,就算没有被其他手指的指甲割損,也會被本身果塊指甲生長時割損。一日不除,只會不斷重覆受傷、發炎、流血。但手指位屬骨科範疇,我轉介你去睇骨科啦!」
依言到骨科登記,但由於現正實施分流措施,又唔知點解明明用internet同internat作各醫院之交流,竟不能跨區登記!!! 回到所屬分區醫院預約,其告示註明現時預約之排期為2008年09月,被告知收信等回音。
終於收到回音了,訂於2008年09月01日,好日子!! 於河馬的家人安排下約見另一醫師,盡快往醫院切除。
第二回合 抗戰
收復失地後, 於暴政下遺民找到得力助手~細菌(感染),於生力軍的支援下東山再起,於同一位置發展(生咗嚿生肉,有齊神經線血管淨係冇皮的),佔領後採取排外政策,斷絕一切外界接觸,陷入一片癱瘓狀態(痛到成隻手指都動彈不得)。
不得已的情況下找醫師商討對策,「你隻手指個傷一係切咗佢,一係試吓用藥膏整死嚿生肉」,於金錢問題上,當場選擇咗落藥,過程痛不欲生。 醫師又謂「如果咁都唔得,就去急症室切咗佢!」
一星期後覆診,情況略有改善,全城盡興,旋即再下一城,再落藥以求去蕪存菁。
不得已的情況下找醫師商討對策,「你隻手指個傷一係切咗佢,一係試吓用藥膏整死嚿生肉」,於金錢問題上,當場選擇咗落藥,過程痛不欲生。 醫師又謂「如果咁都唔得,就去急症室切咗佢!」
一星期後覆診,情況略有改善,全城盡興,旋即再下一城,再落藥以求去蕪存菁。
第一回合 開戰
從未想過手指頭的傷可以有幾嚴重。相信有很多人也試過因翻閱文件而割損。
是次由於在公司內翻閱文件而受傷,但到發現時已止血。 以為小事一椿,但2天後敵方以勝利姿態(發炎)示威。雙方對峙,對方以有利位置,加以濃瘡坐鎮,我方暗瘡戰術迎擊,在一連串的攻防下對方潰不成軍。
是次由於在公司內翻閱文件而受傷,但到發現時已止血。 以為小事一椿,但2天後敵方以勝利姿態(發炎)示威。雙方對峙,對方以有利位置,加以濃瘡坐鎮,我方暗瘡戰術迎擊,在一連串的攻防下對方潰不成軍。
訂閱:
文章 (Atom)