2014年9月6日 星期六

巧遇人扮水獺

周六的早上,因河馬仔要返工,為免毒留小狗子在家掛住煲劇宅到爆,於是帶埋狗子出街。狗子又唔想使錢錢,於是去咗豬識佬度叫做係咁意活動吓…玩完一輪走去沖涼再實現此行目的~焗桑拿(^▽^楽)

巧kai sim咁清潔完畢,信步行入桑拿房,已經有2個人享用緊,中女很坦蕩蕩地睡,而另一位auntie…佢竟然響度扮水獺 (⊙o⊙?)

只見她拿著Locker鎖匙,好像水獺開餐咁既手勢,很落力地在身上各處不停地刮,肚腩、手脾、大脾內則…起勢咁刮。

我望著Locker匙,我望不通。我唔知一條Locker匙,經歷過幾多人用佢在身上隨處刮,千鎚百煉,以致周邊位置特別反光。我只知道,我的幻想又開始 : 條匙每刮一吓,身上的污垢連同汗水溶合,say 聲hi, 彼此包容,互相扶持一起流到地上,好共容 ! 呃,我有啲唔係好舒服,要抖抖-_-z

2014年8月19日 星期二

有驚無險

剛過去的周六小狗子與小河馬都忙到hi hi,既要執嘢返娘家,又要趕返娘家迎接雪櫃,好繁忙。(>﹏<)

之前娘家個雪櫃唔夠凍結唔到冰,到上上周六返去發現啫哩都溶化成半固體半液體…決定換咗佢 ❣ 於是上周三返娘家順手揀雪櫃, yeah~~~風格再三強調會於周六1500-1800運到,Fri返工唔使大包小包的放工返娘家。(^▽^楽)

周六早上很幸福地瞓到自然醒,巧kai sim ❣ 打點完要運返娘家既物資便離家去嘆早餐,吃飽好上路返娘家收拾一切等雪櫃。怎料剛落單俾完錢排隊攞早餐時表到運輸的電話表示雪櫃將半小時內運到-WTF! 我哋身處香港的東區,娘家在北方,一頭一尾趕唔切 (#‵′)凸。經多番商討對方確認1500送貨。

於是我倆用過早餐便起程返娘家,回家放底行裝再落街補充物資及預備lunch. 一切妥當便換衫開工,怎料換好衫離開睡房後,睡房的門鎖竟然壞了,幸好沒有留在房裏,只好又再外出破費找援兵開鎖。(=^^=)

好像一波三折但有驚無險,thanks god ❣

2014年7月27日 星期日

陶瓷娃娃

早前有一篇潮文講關於一對陶瓷娃娃的恐怖故事,小狗子與狗子媽媽分享有關故事…by Youtube,狗子媽媽聽完很喜歡。

昨天,狗子與河馬仔一齊回娘家陪媽媽。一到埗小河馬便想入房放好動漫展的收獲。一入房小河馬被眼前影像嚇到鬼叫,令狗子和狗子媽一齊入房看個究竟。原來狗子媽見狗子爸爸以前帶回來的陶瓷娃娃(以小紅帽作藍本)因長期日曬(放媽媽房窗台)的緣故開始龜裂,仲甩埋隻手指,因而棄置。我們還作好心理準備隻公仔會返黎搵我哋,特地等夜點才上床休息。

今早返教會,狗子與狗子媽無聊討論那隻陶瓷娃娃。
子:DingWa,隻衰嘢竟然冇返屋企。
媽:係囉,我連發夢都冇夢見佢ar…
子 : 會唔會係衰唔夠高按鐘叫開門? 不過我哋d電話都冇響喎。
媽:555,可能隻公仔出到去見到有另一隻生得靚仔,決定響出面雙宿雙           棲…女大不忠留 ❣
子 :或者佢想見見出面既世界,想試下80日環遊世界…
河馬仔 :(ˇˍˇ)
兩母女繼續無聊的對話…

在 YouTube 上觀看「[潮文連環圖] 我母親買了一對恐怖陶瓷娃娃」:  http://youtu.be/YuOsD8KPQc4

2014年6月28日 星期六

論晚餐

河馬仔 : 汝等夫婦, 今晚食乜好呢
狗子:汝等夫婦,今晚食自己也
            所謂論晚餐,俗世中不知吔乜好~
河馬仔 : 或~者~間間同途異路~
狗子 : 但我知,韓國餐可以食燒烤~~
河馬仔 : 食乜啊小狗子大俠?!
狗子 : 鵝~們要一齊高興快樂用晚膳~鵝們是小窮鬼最出色既食神~
           禮想食咖哩定去食燒~豬手~~
河馬仔 : Just you like 啦大俠
小狗子 : 55,這是一個好深層次既問題,一個處理得唔好會影響日韓文化大戰…55555, 不如等                  垃圾會投票決定,傳聞櫻大戰都係由high tea 問題引發架,因為咁小櫻要去收拾d card                game 仲同小狼一齊咗添啊~~
小河馬 : …

2014年5月4日 星期日

偶像,生日快樂!

今天一上Google見到那貼心的圖,提示狗子今天是柯德莉.夏萍Audrey Hepburn的生日。  小時候常常在公仔箱的英文台欣賞她的作品,對她深深著迷。  就連自己的結婚相,禮服也希望接近她的Style,有著古典的感覺。
 
小狗子經常在網上及書本中找尋夏萍的資料,喜愛的不只是她美麗的外表,她一生不斷行善事,她的為人比外表更吸引,當中最喜愛的是Audrey Hepburn Beauty Tips 
For attractive lips, speak words of kindness.
For lovely eyes, seek out the good in people.
For a slim figure, share your food with the hungry.
For beautiful hair, let a child run his or her fingers through it once a day.
For poise, walk with the knowledge that you never walk alone.
想擁有誘人的雙唇,要說友善的語言。
想擁有可愛的眼睛,便要善於發現別人的優點。
想擁有苗條的身影, 與飢餓的人分享你的食物。
想擁有美麗的秀髮,每天讓孩子的手指撫摸它一次。
想擁有優雅的氣質,必要與知識同行,你就永遠不會寂寞獨行。

雖然她已離開了我們,可幸的是還有很多人願意行善,令世界變得更加美好

2014年4月24日 星期四

細蓉日

早幾日,狗子媽媽病倒了,周日更發燒。小河馬和小狗子送媽媽到急症室看醫生,吃過二次藥,好了七、八成。

周一開始狗子有點咳,周一晚更是咳到胸口痛,不能盡情的打周公online,下定決心翌日放工去睇醫生。

睇完,吃過藥,是晚順利發燒,可以玩足成晚online game。周三小狗子完成集郵,所有好兄弟頭暈頭痛咳嗽噴嚏鼻水鼻塞嘔吐一齊返晒黎,好熱鬧,打機也很暢順!Orz

到今天,頭暈頭痛細蓉日,enjoy ❣