2010年7月30日 星期五

廢人萬歲


新酒店既mkt部門於較早前設計咗一d printing野,不過由於可能有變, 所以一直按兵不動。

現決定明年再算,所有design items即時解封,即引來一連串問題︰咁耐之前報既價還生效嗎? 資料有變嗎?

由於前輩放大假,所以小狗子執手尾。 印刷商都很友善,都願意以舊價交貨…如果D資料冇錯的話!! 但事與願違,有大部份要同對方再三商討,甚至要重新執過晒D資料再找人報價。

例︰資料咭。新酒店的前Marcom呀頭廢人姐姐同用家溝通,唔知點解可以把一張雙面印刷的資料咭變成2份單面印刷的資料咭!!!由於用家真的以為是2份唔同的野,所以訂貨的數量也有不同。 現發現資料錯,數量錯…要重新做過!!

呢位廢人已經升咗上神枱,由酒店的Marcom變做總公司的品牌服務Mgr,證明要響呢個環境上位,冇番咁上下廢柴都唔得掂!!

手痕

指公果嚿肉瘤已經好得七七八八,情況理想。可以唔使做手術,小狗子及小河馬真的很高興!!

醒醒的小狗子昨天替公司果部影印機加紙,由於小狗子皮薄饀靚,好輕易地俾d紙割損手。

當然唔淨止一隻狗手出事啦~ 兩隻都各有損傷。 通常俾紙割損都只會在指頭或手掌出事,最奇怪的是竟然有些傷口生在手背!!! 事後狗子極力回想 / 想像也想不出為何會有傷口在手背,真係醒!!!

值得俾10個趣佢!!!

2010年7月21日 星期三

好朋友走歪路了


香港是一個好客之都,連大家的好朋友強烈熱帶風暴-燦都亦有意登門造訪,不過可能因為香港出咗個香港惡導遊「阿珍」,嚇怕咗燦哥。 所以佢決定不到香港shopping吃喝玩樂,廢事唔買野會冇飯食,冇地方住。 想想吓,到海南萬寧到廣東陽江一帶沿海地方走走都不差,仲唔使强迫消費。

狗子對燦哥的決定很失望,明明說好了要到香江一遊,害大家都興致勃勃滿心期待,點知一聲不響話唔黎就真的唔黎,令到大家好失落。 希望佢會回心轉意,來港一聚!!

2010年7月15日 星期四

野仔 十八戀來演唱會


Yeah,買到飛!! 小狗子和小河馬可以如願入場咯,超期待!! 仲有唔可以錯過開場樂隊 : Dear Jane + Donald= Donald Jane!墮落珍,果晚仲可以聽到唱出屬於Donald Jane自己的第一首歌啊~

狗子和河馬仔兵分兩路,互相合作,個網絡同電話線亦非常繁忙。今次買飛競爭得很激烈,幾經辛苦才買得到。

去之前一定要得到充份的休息!!

Photo from : http://speervanger.web-log.nl/mijn_weblog/fotos/page/5/

2010年7月6日 星期二

減肥


上周五睇完醫生,發現除咗指公的問題,仲有體重的問題。 近期狗子的精神壓力大咗,身體內有某d野不平衡,導致體質變差,體重劇增。

當下狗子下定決心,由今周起每日的某一餐以西柚一個代替,希望儘快減磅。 小狗子平時都有吃過柚子沙律、柚子茶、橙加西柚<肉肉或者汁汁>、仲有碌柚…味道不錯!! 狗子還特意上網找資料,發現原來食西柚可以作代餐減肥,不過易胃痛,使用前最好先吃餅乾乙塊打底。

昨天,狗子帶了一個西柚回公司作午餐,事先吃了一件麥粿bar,再加多支橙汁伴食。 但可能支橙汁太細支,食咗4件西柚肉肉,支橙汁就剩下一啖左右,要省著用T.T。 食到一半已覺牙齒很酸,挨到最尾果2件狗子想起一個廣告︰舒X達牙膏!!! 跟住成個下午都覺得飲水都要很小心T^T。 但為咗減肥,要儘快想想可以用D乜去配合西柚吃!!

今天,狗子有意無意咁冇預備個西柚作午餐,所以今日要叫外賣或者出街街。 行去洗杯時收到傳單乙份,即時被傳單上的幾個字吸引︰梅菜扣肉 ~

Photo from : http://speervanger.web-log.nl/mijn_weblog/fotos/page/5/

2010年7月4日 星期日

感謝神


今次隻手指嚿肉芽生得都幾樣衰,個位置好容易就中招。 呢d掂吓郁吓都痛到想死既物體,不論狗子著衫除衫整理衣衫,開袋關袋摷袋,做乜都好都幾乎無一幸免都會撞到應一應。

連同小河馬拍拖行街街,每次拖手手時都會撞到應一應!一係俾河馬仔隻手手拍中,一係撞到佢個袋…

今日小河馬替小狗子上藥時發現好似真係縮細左小小唔係好多(唔淨指個嚿肉,仲有隻發炎指公(>﹏<)),換完藥後狗子夠鐘做司琴。事實證明隻手指真係縮細左小小唔係好多,因為剛好夠位塞入琴鍵與琴鍵之間Y(^o^)Y

不過彈琴果陣個心理壓力都不小,雖然響冇撞到其他琴鍵下會有小小痛,但個感覺好似練鐵沙掌咁,好容易插沙,好驚!

2010年7月3日 星期六

中!!!

結果,昨晚收工後小狗子約咗之前替狗子做手術果位醫師診症。 結果…

「放心,你隻手指公真係生咗嚿肉芽!! 又衰手多呀?! 咁啦,試吓用支有抗生素既消炎藥膏睇吓可唔可以整死佢先啦,真係唔得咁又要切架喇~」

今早起床照顧完爸爸用早餐後趁機洗傷口及上藥貼膠布,發現嚿肉芽快高長大,唔怪得知今日唔小心插沙都痛得勁過昨天!!

今次趁記得,替小肉芽拍照留念!! 上次冇做到,都真係幾遺憾架!!

2010年7月2日 星期五

又黎多次?!

2007年5月小狗子曾因翻閱文件而受傷,結果攪到生咗舊肉仲要做手術…(詳情請見2007年5月14日的 第一回合 開戰 http://hippopuppy.blogspot.com/2007/05/blog-post_13.html)

2010年的今日,小狗子發現上周為了清除倒刺而受損的傷口<上周唔知幾時清除的,翌日就好似已經咩事都冇咯!!>好似有一嚿紅色有齊神經線血管淨係冇皮的…生肉

想起果次個手術,都幾惡頂架,可以的話不想有Take two!

狗子決定,今日收工即刻去睇醫生,不過係去睇之前幫狗子做手術果個定係公司醫生<呢個醫生幾好架,好有良心,用D藥都唔錯架>好呢?

真係母親的抉擇!