零舍不同

本來以為秘書姐姐真係會走，小狗子真的很擔憂…但最終都留底了，可喜可賀!!

呢輪公司d人好似輪住黎發燒咁，首當其沖的是馬房<其實d病菌都係響馬房飄出來的…>，跟住就係坐在佢房門口的娜娜，之後就秘書小姐，跟住到狗子都要請病假了。

前晚收工本想去睇醫生，因為狗子於落車時感覺好似成個人散晒咁，d賤骨頭又酸軟又痺又痛，個死狗頭又暈又痛…點知行到去醫務所時已過了診症時間，明天請早，唯有打道回府食幾粒退燒藥早d安息再算。

翌日一早起身…呀, 應該話起唔到身，個感覺仲衰過之前，成晚發冷。焗住休息多一會就send msn俾公司請假。

終於挨到去睇醫生，平時響呢間診所起碼要等2個半鐘才可以睇醫生，點知登記完狗子要求探熱，check左…哦，發緊高燒喎，要帶罩。 剛帶好口罩就即刻輪狗子見醫生，攞晒藥<五餸一湯>…前後都唔使半個鐘!!!

發燒的待遇真係零舍不同!!!

全力以赴?!

小狗子同小河馬都病了，有咳咳要戒口。因為某d原因，狗子同河馬仔都要盡快減肥，keep住個靚様。

所以狗子決定每天Lunch之後都和小河馬一齊散步幫助消化，順手減肥。

昨天，我地倆個一齊行IFC，行到去agnes d.度，有個幾靚仔既哥哥話見我地咁乖，請我地食果仁 / 生果朱古力 ，盛情難卻，我地食得好開心^^”

今日，我地倆個又去左IFC度散步，行行吓唔知點解入左間Pret A Manger度，又好唔覺意咁要左件Chocolate Brownie 同埋一杯Honey & Granola Pot, 嘩~正呀!!

同日下午，狗子和同事一齊叫外賣下午茶，要了份咖央多士及忌廉溝鮮奶，爽呀~

冷病了

小河馬冷病了，小狗子被小河馬傳染左。 在狗子的威迫下於周一齊齊去睇醫生。

食左一日份量藥, 狗子的病情略有改善。

翌日，狗子想日頭都咁熱，咁收工都唔慌要著褸，就咁收工。 點知21:00時的天氣真的冷，又大風，再加埋d毛毛雨。

狗子想，應該好快有車，唔好浪費時間著褸，行快d去巴士站等車罷…隨即看見已經走失左班車，下一班車起碼等7 - 30分鐘。

狗子見自己背著手袋加一個手抽袋，於是想等上左車之後才著褸，憑意志力抵抗冷天氣。

點知上到車一坐底，架車個冷氣又好勁。 狗子懶得伸手關冷氣，亦懶得著褸或者用件褸蓋著身子取暖，咁就睡著了。

到落車時，天氣更加寒冷，狗子想，行5 - 10分鐘就可以回到溫暖的家，唔好浪費時間著褸，行快d返屋企好過…到最後仲有10步回到屋企樓下時狗子終於頂唔順~著褸!!!

Bear

狗子很喜歡Bear Bear,不論是活生生的生物,還是死物.

玩具方面則不要美式的Bear Bear同埋"啤你一世"

其實都幾揀擇!!

咁多種陸上的生物大概只有Bear Bear可以任何時候都咁可愛~

新目標

今日,狗子放工後和小河馬一齊飯飯, 提議結婚都唔一定要揸住個花球,攬住隻Bear Bear行禮都應是不錯的選擇…

分開後各自回家, 就在狗子乖乖地獨自回定家果陣,俾一樣事物吸引~

話說有對情侶行在狗子前面不遠,最吸引狗子的是該女生的大側袋…上面扣住果隻同個袋一樣咁高的啡色Bear Bear~

狗子即時致電河馬仔同埋皇子提出要求!! Yeah~