2007年10月25日 星期四

我有問題?!

選曲︰ 玩具兵 ~ 葉宇澄

開始我的復原計劃,自從做咗呢份工後身體的狀況直線下降,仲衰過患一場大病。

開始每日早睡遲起的生活,但習慣遲睡,所以努力緊提早睡眠時間,都早極有限﹔原本想瞓耐D,但自己賤骨頭作怪,未試過遲過1000起床,好羨慕果D可以瞓到1500的朋友,我好努力嘗試都做唔到呢~~

想改善皮膚的質素,開始多D休息,乜都做慢D,好聽D叫做忙裡偷閒,其實只係想偷懶不願做吧了﹏

又開始胡思亂想,明知錯不在自己,但心有不甘﹔眼見白費心機,但已回天乏術,只覺好可惜,好可憐,真的可以矇騙一切嗎? 同駝鳥政策有什麼分別?! 我真的想不透。但相信在我參透一切前,要先找回那已不知去向的自信心。是幾時走失的,已經忘了,好像從未出現過。

可能之前忙慣了,現在有點不自然的感覺。 眼見身邊好友可以完全投入假期,但我始終都有點罪惡感,好似自己偷懶唔做野咁款,硬要加點點罪名給自己才覺得安心點。點解人哋可以做得到??? 唔通我有問題?