新成員

最近公司黎左隻新成員，係小狗子買的！！

某天和舊同事小淫Ho吹水，佢拜托狗子幫手留意下７仔有冇生猛海哲賣。　　佢話之前響７７買左條魚魚，換完水就死咗咯。　　果日睇廣告見到有水母賣，好想要。　　狗子睇完隔離幅圖，又可愛又可口咁，自己都好想養！！

事實證明廣告幅相信唔過，幅相明明有５隻．．．．狗子買完找了很久才發現得一隻！！

希望佢唔似d仙人掌咁易死啦！！！

＜http://www.ectone.com.hk/products_detail.php?txt_category=9&txt_id=356＞

新春大吉

祝各位新春大吉、不勞而獲、財色兼收、出入平安!!

入左黎呢間公司做之後，終於明白坐響酒店做酒店野同坐響office做酒店野的分別喇…利事的收入大減!!!

有d懷念之前果d公司的生活︰一大班人組隊去打劫<利事>，話打劫咋，其實志在玩吓，個氣氛非常之好，一路上笑聲不絶。 而家呢間公司，規模叫做大咗，反而冇乜節日氣氛，其實都幾悶。

黎緊會更好!! 希望將來會團結d，有番d氣氛，冇咁悶。

運桔一條蟲

話說斬桃花果日狗子和同事跟運輸架車入去花場，老遠已看見桃紅一片，很鮮艷!!立時心知不妙!!

順路睇埋附近既花場，一片繁華的桃紅，很刺眼~ 結果都係要番之前揀果幾棵，多口問吓花場老闆可以點攪，答案只得一個︰開大個冷氣吧~<以我家老闆的性格，一定做不到，只有衰硬!! 所以，自求多福吧~~>

衰開真的有條路，原來d桃花太高，上唔到車，要即場班救兵!! 攪到原本話11:30去到老闆屋企，結果12:45才出車!! 狗子果日下午Annual Leave,結果蝕左幾個鐘俾公司!!

同日去做身體某部份覆檢，因之前照超聲波發現有d野，結果醫生要求抽針化驗~

是晚收到母親通知，爸爸跌親，入咗醫院。

斬立決?!

自從被點名選桃花開始，安眠藥的生漄亦同時開始。

揀桃花果日一早就去到小姐屋企等，約10點佢就真係10點才起床。 一路上氣氛尚算不錯，最大收穫是知道佢終於請咗個秘書姐姐，小狗子仲以為自己至多陪揀，至於監斬同運輸應該與狗子無緣。

咁狗子都有久唔久打電話俾個花農問候吓既，但早前太多野做兼且冇乜意慾，所以有一輪時間都冇打電話去問候下人地d花。已經因為桃花呢個問題同隻馬產生磨擦，又唔係d乜野好差事，都唔明點解佢咁想做…直至小姐點名叫到狗子負責物流果part才知道仲未甩身。

前日又打去花農度夾時間，對方表示呢輪天氣太好、露水雨水同霧水充沛，d花開得太靚，强烈建議我地換貨，有好多都已經開左半數…我地公司規矩係一定要擺到初十五。 今年呀老闆媽媽仲話d桃花太貴，要早d擺唔好浪費。 如果唔係因為立春係好日子，佢真係唔會等咁耐!! 依家才十二月十九日，仲有成25日，點死?! 即時打電話上上海問小姐。

點知問咗仲衰，小姐點名要狗子幫公司揀棵靚的，仲講明桃花對公司很重要，不容有失，一定要打醒十二分精神，要小心睇清楚…平時又唔見佢咁醒既?!

明天狗子便要做監斬官兼運輸，黎緊d天氣又咁熱，可以挨到初七都算執身彩…希望今晚d藥可以有效啦~