2010年8月21日 星期六

真的冇做錯?!


話說上周一有件囡囡做咗一日仙,仲遺留不少手尾予小狗子善後,令狗子頭暈目眩。 佢消失那天,娜娜曾交代狗子若小姐問起,要小心回話,當時狗子並未放在心上,因為實在自顧不暇,那裡還有時間細想小姐會問什麼!

怎料到了昨天,小姐突然宣小狗子問話,了解一日仙的理由。 由於狗子真的百事纏身,一早已把娜娜的叮嚀拋諸腦後。 當入到房坐下小姐問到果時,小狗子想也不想便照直說出整個事件。 幸好狗子當日也真的有照顧那件囡囡,亦有趁放飯時間與小Hel一齊同佢食飯詳談,了解件囡囡的顧慮及疑惑,不過件囡囡始終認為自己應付不來,所以一日就咁仙。

想不到由於小狗子的坦誠,所以小姐很高興地接受狗子的答覆。 到返到坐位時狗子才想起娜娜的勸勉,把她的叮囑不要說的都講埋出黎,不過睇黎效果幾好。

Photo from : http://speervanger.web-log.nl/mijn_weblog/fotos/page/5/

2010年8月14日 星期六

老爸的幽默

爸爸病了,經常都感到乏力,很累,所以話語都少了。

爸爸每天除了夢話,還有一語中的既食字。

今晚難得齊人吃飯,大家都很高興。一家四口坐在客廳內說說笑笑的,一頓飯的時光轉瞬即逝。飯後媽媽叫山山預備藥物給爸爸吃,但由於高興得滯,媽媽說成「攞D藥"質"佢食」!! 爸爸即時打蛇隨棍上「好過份,迫人食藥,質人食野,冇人道!!」,引得哄堂大笑。

雖然醫生說爸爸的病情很嚴重,但我家維持開開心心的過每一天,讓爸爸keep住開朗的心情,對抗病魔。

2010年8月10日 星期二

簡單道理


小狗子投身社會多時,有幸遇上的上司也不少,有受歡迎的和不受歡迎的。 受歡迎的當中亦區分能幹的極品和不能幹的二種。

小狗子很幸運,有幸遇上三位(暫時)極品,不過話得極品,通常都冇乜好下場 -自盡<請辭>︰一係受老闆欺凌而睇唔開的,一係受不公平待遇而憤憤不平。

K哥哥係前者,香香大師同衛衛都是後者。 大家的學歷及工作經驗超豐富,收取價格平宜<工作量與薪水不成正比>,大家都係被迫extend個probation @.@a

係咪呢一類睇落比較好烚呢?! 做野啫,點解唔可以用個好d既待遇黎留低一d對公司發展好有幫助既人材?! 攪到要再請人又要重新適應,勞民傷財之餘仲會令員工對公司失去信心及龜熟感,增加員工流失的機率。 狗子真的唔明,一條咁簡易明既道理,點解做老闆的例必唔識?!

Photo from : http://speervanger.web-log.nl/mijn_weblog/fotos/page/5/

2010年8月1日 星期日

門鈴


爸爸病了,行動不便。其實狗子和媽媽每次半夜醒了都會去巡視爸爸的情況,但有時我們大家都睡了,所以照顧未夠全面。

為方便夜間照顧爸爸,媽媽特別預備了一個門鈴,讓爸爸半夜有需要時可以按鐘叫醒媽媽或者小狗子起床照顧他。有時爸爸按了鈴卻不等狗子或者媽媽現身便自行上洗手間,嚇我們一餐。經多次訓練及勸籲,爸爸終於學懂使用這個門鈴。

最初設立這個門鈴時狗子曾戲言笑指若爸爸睡不著、覺得悶或覺得有需要提媽媽去廁所時均可以按鐘。

今晨五時許,爸爸按動門鈴,狗子見媽立刻動身所以決定繼續瞓。 等媽趕到爸爸床前爸爸已自行解決了小便一事。 原來爸爸發了個夢,夢見自己再不動身去小解就會趕不及,所以起床小便,但又覺得媽媽也是時候去小便,所以按動門鈴叫醒媽媽去小便。

狗子繼續同周公子玩遊戲呢個決定是對的!!!