死於變態

講個秘密你知，狗子真的是變態的!

上回提要，上司要狗子負責set up 個database同埋個access。 由於同事中冇乜人識電腦，有的甚至英文也不懂(不是如普遍英文程度低的那種，而是真的不懂，只知英文字母有26個，連is, and , are, or, the都唔知係乜果種), 再加上食品採購連香草類，油類的知識也很少。 所以狗子想做到好全面,中英對照，有埋解釋同用處，咁就算狗子有事突然請假，同事都可以攪得掂。

結果食飯瞓覺睇報紙傾電話行街買衫都可以同份工聯想埋一齊，一想到”咁都幾方便喎，或者可以改成咁咁咁，咪連唔識嘅都可以好易上手囉?!”，就會循這方向一直想下去，越想越興奮，直至幻想完才考慮停止，通常一想就好幾小時，都幾變態。

不過，可以講得俾第二個人知的都已不算是秘密，真正的秘密是應該連自己隱瞞，咩都冇發生過。

所以，呢一個根本不是秘密。