俾左$未?

來到新公司已數天,小狗子暫時得到的只有一張椅子…最近多了一張電話咭(=^^=)。

唔知係因為成個部門3條友仔得一條電話線定係因為我地成日四圍走,所以一人派一張電話咭,總之做到好似實會找到你們咁!

收到電話咭後小狗子開始物色部電話安置張咭。周六晚放好咭開始set個system時即時收到溫馨提示:未俾$(⊙o⊙?) 周一回到公司即找人事部一齊研究電話費、返工放工打咭及其他問題…

周二上午當狗子用公司手提call vendor時收到電話公司很溫和的語音提示:再唔俾$即刻停止服務(>﹏<)!所以現在我們咁的手提只能接收,不能致電。究竟要等到幾時才會stop接收的function?

劉子千- 唸你 【 野佬版 】

想念

轉左場數天，除左少少的支節問題外，一切都很簡單。

老闆該是一個很底調很念舊的人，很有同情心的人，很願意栽培員工，很講究環保，這一點可從工作上的細節中表露無遺。

返左幾天新工，小狗子都冇乜唔習慣，唯一想念的是舊公司的咖啡機！！！　可以隨時隨地泡製一杯香濃的咖啡，除了可以叉電，仲可以relex同享受。　冇左佢，小狗子真的很不習慣，唯一解決方案就是Pacific　Coffee，好在公司樓下有一間，很方便！

不過每次享用就要落街買，好煩！

唔識做

姨姨一上場就經常黐著小狗子，一來狗子乜都願意教，很用心想令姨姨明白，另一方面係因係佢要接手狗子負責的東西（唓！淨係蔬果之麻，佔的比率很少！）

狗子只有４天半的時間可以執佢手尾，所以只談公事，務求令佢盡快上手。　但姨姨只顧問薪水，狗子未來的動向，跳去那一間公司做，做d乜．．．．

關你鬼事咩！　唔願提就梗係有原因啦！姨姨成日追問，又問點解唔留底，又話點解唔見佢地挽留．．．大姐，就係因為挽留唔到才會聘請你回來做，之前你黎申請sales果邊係因為你好做唔做一睇就知不合用才不邀請你加入成為我地一份子，如果唔係小狗子叫走人又提議請呢類人，你仲尋係找工作中咋！

懇請姨姨專心一點，放多點心思在工作上，多點留意工作的內容及公司的一切，否則叔叔肯定會吐血而亡。

方向有錯？！

小狗子得到更好的offer，決定請辭。　Title呢間公司一定冇，而＄＄方面為免叔叔同鬼上司可以加到挽留小狗子，狗子決定報大數，令他們望而卻步。因為小狗子都唔捨得，響呢度做都幾happy，d人都好玩，所以只要佢地加少少＄＄狗子係會心軟的！

老寶講，倘若小狗子不用愁＄＄，年紀大等退休的話，絕對會留下跟叔叔同鬼上司一齊並肩作戰！！！　對狗子來說呢度唔難，簡單又容易。但小狗子要兼顧婚禮讀書家庭個人．．．．＄途及前途均同樣重要，所以一定要走。

有天與叔叔同鬼上司吹水，傾開請人問題，小狗子提議請兩類人，一定可以做得長：A) 中五或中七的Fresh　graduate，仲要蠢蠢地，咩都唔識的白紙，包不會頂嘴同死撐；B)　Housewife，但要識識地英文同電腦，起碼識得時令蔬果同市價行程唔使教。　呢兩類人可以做assistant，　薪水不高但可以長做。

結果叔叔佢地真係請左個師奶，年紀大，找份工免清閒，簡簡單單的，在家照顧完家人的早餐後返工，收工買餸回家煮飯，周日打掃，識識地英文同電腦．．．好似合乎要求！！　第一天狗子已想她是否一個天才，完全不用寫note！第二天才見真章，佢係打天才波，因為有我地傍住佢，睇實佢，有咩都會有人照！kg（公斤），lb（磅），ctn（箱）．．．睇完想都唔想就問係乜！！！！！咩都唔上心，剛教完即時錯俾你睇，仲話d嘢好簡單！又話自己經驗少，３個月後冇可能由assistant升做officer，又問點解我地唔信佢，唔下放多d野俾佢跟．．．．

呀大姐，你可能真係脫節左好耐，現今個社會係點睇怕你都唔係好知！　想一步登天？！　唔好咁天真啦！

世上第一部靈活活動機械人1/48高達Gundam(想擁有請分享)

美國男子結婚 800磅灰熊當伴郎<轉載>

好羡慕哦!!!

英國《每日郵報》28日報導，美國一名男子多年來一直和一隻800磅(約363公斤)重的大灰熊形影不離，甚至在他結婚的時候，大灰熊還做他的伴郎。

這位名叫凱西‧安德森的男子，是美國蒙大拿州一個灰熊庇護所的創辦人，同時也是一位環保人士。他的灰熊兄弟名叫布魯圖。他們的友誼要追溯到7年前。當時安德森在蒙大拿的野生動物園發現剛剛出生不久的布魯圖。由於布魯圖面臨被關進動物園或在野外被殺死的命運，安德森決定收養這隻孤兒熊寶寶。為了讓布魯圖日後能成為一隻真正的灰熊，安德森還在蒙大拿的山區創辦了一處野生灰熊庇護所。

7年來，安德森和布魯圖總是形影不離，他們可說是名副其實的好兄弟。事實上，布魯圖也很喜歡和人相處，現今牠已成為安德森家的一份子，有時甚至還會和安德森一家人在餐桌前共進晚餐。去年八月，安德森和女演員米西‧派勒結婚時，這隻大灰熊還擔任牠兄弟安德森的伴郎。

再次被熊襲擊

在荒效被熊襲擊

《文鸞彩鳳渡雁門 》

小狗子很喜歡歌劇，西方的，中式的都很喜歡。

歌劇的衣著，背景都很講究，音樂歌唱演戲感情豐富，帶領觀眾投入整個故事裏，各有特色！

自從家中安裝了now tv，媽媽每天在家欣賞粵劇，對國內的花旦小生更加了解。　最近佛山粵劇團來港表演，即叫小狗子一同買票欣賞。

今次睇的劇目媽媽最想睇演員梁耀安先生及李淑勤小姐，　怎料劇中各演員都做得非常出色，好戲連場！　媽媽很喜歡睇那些有劇情的、文武場兼備，也有唱情的戲，《文鸞彩鳳渡雁門》是講狄青和雙陽公主的故事，有文有武，很合母親的口味！！場內佈境細緻，衣飾華麗，唱歌做手動作表情語氣無一不是精彩萬分。　當晚我們還有幸遇上大佬倌林家聲先生，他雖然患了柏金遜病，人也消瘦了很多，但精神很好，可以自行走動，整晚也很開心。媽媽睇得眉開眼笑，整個晚上都說個不停！

狗子公司內的助理也是學唱戲的，偶然會公開表演，原來她認識媽媽很欣賞的那位國寶級大佬倌彭幟權先生！！！　狗子一定要多多跟她交流，以便可隨時買票讓媽媽觀看精彩的劇團。　現正留意有没有湛江或潮汕等地的粵劇團來港演出！！！

MacBook Air變菜刀切蘋果剔蝦腸張張利

曾幾何時小狗子都想過買部MacBook Air，現在要想想除咗尖端科技的用途外仲可以用黎做d乜至買咯~

【明報專訊】蘋果公司曾聲稱其超薄的手提電腦MacBook Air耐用可靠，「準備接受任何任務挑戰」，創意十足的網民就為MacBook Air定下了一項特別任務：代替菜刀切菜，不論蘋果、蝦或蔬菜都難不倒它，並成功將所有切好材料落鑊炒出製成品。但有科技博客評論稱，這顯示MacBook Air對用戶可能有一定危險性；一名德國用戶日前更圖文並茂聲稱手肘遭MacBook Air邊角割傷。

評論：輕薄機身存危險

售價7688港元起的MacBook Air採用鋁金屬外殼，機身邊緣最薄處僅約4毫米厚，推出後曾有用戶用它來切蛋糕或麵包，還戲稱它是名副其實的「尖端科技」（cutting-edge technology）。日本網民Sakaiehita更為瘋狂，他最近在博客上載了一系列用MacBook Air切菜做飯的片段。只見他買了許多材料打算做中華料理，他首先用MacBook Air切最簡單的香菇，輕易將菇一分為二，接着切粟米芯，但發覺會很易切爛。他隨後用MacBook Air切黃芽白，發覺若翻開電腦，只用鍵盤那邊的機角來切，會更易切開。他繼續用電腦削胡蘿蔔皮及切開帶子、蘋果等，甚至用它割開蝦背除腸，功能媲美真正的菜刀。

煙肉柔軟 需來回拉鋸
有網友戲稱，用MacBook Air切蘋果，是用「蘋果切蘋果」。但MacBook Air對柔軟的煙肉片就有點束手無策，要來回拉鋸多次才能切開。Sakaiehita最後將所有材料落鑊炒，展示其製成品。蘋果對MacBook Air的「新功能」暫無回應。

Sakaiehita強調，不鼓勵別人模仿用MacBook Air切菜，不過有科技博客評論稱，如果片段屬實，則顯示MacBook Air對用戶有一定危險性。

德網友曾割傷手肘

在德國蘋果論壇，有網友稱，MacBook Air的邊角過於鋒利。當地「Apple Talk」讀者Bajuware聲稱，他在家中遭MacBook Air割傷了手肘，還附有照片。

美國有線電視新聞網/mochrom博客網

國家地理頻道 跟Discovery不敢播出的的影片

色謎睡美人 [HD] (足本港版預告) Sleeping Beauty (HK Trailer)

知得越少越好？！

意外發現

叔叔每天都會開窗引所謂的新鮮空氣(新鮮由垃圾焚化爐燒出來的那些嗎??)入寫字樓，隻窗仔係對正小狗子，有少少對住叔叔咁喇~

今天叔叔又開窗引鮮風入寫字樓，狗子如常做自己的工作。 做做吓小狗子發現有粒啡紅色的點點，好似芝麻咁大粒的東西在桌上緩慢地移動，嚇壞狗子，狗子即時「車」咗隻老鼠過去，咁就整暈咗隻嘢!!!!! 原來係一隻小甲蟲，趁佢暈咗狗子即時做底佢!!!!

做底咗一隻，做做吓嘢又發現另一隻，再做瓜佢!!! 點知過一陣又見一隻，好恐怖!! 都唔知響邊度黎，都係殺咗先查咯!!

狗子發現，原來老鼠都可以整暈D小昆蟲!!! 同埋，狗子夠膽去攪果D芝麻咁大粒既蟲仔，呢個係個好開始。

Cute dreaming kitty (Original!!)

溝通

在這個新公司工作了一段時間，小狗子留意到很多同事都盡量避免與叔叔接觸。 大家都一樣，與叔叔交談時三句唔埋二句便開始勢色不對，慢慢就會充滿濃厚的火藥味。

叔叔自我保護意識極强，經常活在自己的世界中，把事情簡單復雜N倍再簡單化１倍！！　接收能力底，愛發表偉論惜表達能力底。 對外界的事物以及別人和他傾談中的內容或訊息一律接受不到！狗子和同事們都很奇怪，為何只有鬼上司才能和就叔叔溝通無礙！！！ 今日答案終於揭曉...

由於桌子面積不大，小狗子慣性地把Keyboard放在Monitor上，這一點鬼上司終於留意到。鬼上司向狗子提議加個Keyboard位予狗子放Keyboard用，大家談得興高彩烈，鬼上司向叔叔簡短講述後問他對此有什麼意見，叔叔即時回答說：「啊！等我收拾好這個櫃就可以俾狗子放文件了。（英文版）」大家即時O晒嘴！

及後小狗子發現鬼上司每次與叔叔討論都要重覆多次叔叔才會明白鬼上司的意思，原來叔叔只比狗子多會幾個英文生字，所以與鬼上司們溝通會比較容易。

所以狗子開始過一些像小時候一樣背生字的生涯，都有d幫助！