受不了

今周變化很大，一時間未接受得到。

周一Keith哥哥Last Day，周二為左平復心情放假一天；周三開始同個白痴及底能兒三個人玩智力遊戲、周四突然宣佈公司個男朋友Last Day，同日下午狗子由做採購變做收貨，好似文化大革命...

突然間，失去了工作上的好拍檔好兄弟，避難所；失去可尋找安慰，可以放心釋放自己，盡情哭泣的地方。到依家都仲未接受得到呢一切改變，淨係想做一套劇 ~ 逃。

佢有病架=”=

新官上任零舍多戲碼上演，每日都好精彩。　魔人布歐的出現，令到我地採購部發生真正的大災難。

一個做左採購十幾年的人，竟然可以唔識得揾供應商，唔識得點同供應商溝通。　一個響呢一行打滾十幾年的人，竟然仲未識得點同公司內部的人打交道。　一個出黎做左十幾年的人，竟然係唔識點做野。

除左識吹水，識發顛發難想打人，識講是非拋書包認親認戚認屎認屁外，其他咩都唔識。　我地個個都怕左佢，排隊申請轉環境。

呢位仁兄，就係我地偉大的五六七請回來的主任。條友以為自己係七哥邀請佢返黎，仲以為自己係天之驕子，返工得果幾天就開罪全世界。　　實質只有佢一個黎見工，時間緊迫冇得揀的情況下先要佢咋！！

反常

可能是工作壓力太大，可能是Keith哥哥快要離去的關係，又或者係被迫遷往新酒店．．．．狗子出現反常現象　﹣　扭計。

最神奇的是，狗子扭計的對象不是小河馬，竟然是Keith哥哥或公司果位男朋友！！　　不過好好彩，佢地兩個以為狗子發脾氣，仲未知答案。

唔好問點解，狗子本人都好想知答案！！

今日見到新上司　﹣布歐　（魔人？！　﹣　龍珠？！），出現第二個奇景：一個工作資歷應該唔淺的人，竟然仲可以好天真同埋唔係好識睇時勢，連自己幫自己掘左個坑兼且跳埋落去死到臨頭都仲未知。　狗子相信，呢個世界真係乜人都有！！　　但狗子更加確信，響佢既英明領導下，都唔慌有好日子過！！