爸爸早輪又入院咯，經過二個星期的治療，終於可以出院咯~~
話說自從上個月爸爸跌親入院之後證實紙係包唔住火呢個道理，呢個已經係佢第二次入院咯。
今次佢的氣息好過上次入院好多，精神d同多左少少野…發夢! 由日到黑都發緊夢~都好既，起碼冇咁悶。
住院期間，狗子日日收工後即刻趕去威名醫院度伴爸爸，等佢冇咁悶。 話說有日，狗子、小河馬和媽媽同時抵達醫院，一入到病房狗子和媽媽即刻被醫護人員召出房…爸爸在病榻上煲煙，仲燒著個垃圾紙袋。
原來爸爸在病床上見悶悶地，想起牛仔褲袋內的心愛寶貝都係時候相聚下，找到後即時在床上煲煙，點知享用途中有護士姐姐入房，佢心急起來把煙蒂扔在俾佢載垃圾用的紙袋中，想瞞天過海，點知咁就宿一燒咯。 一如學校的做法︰即時没收兼且見家長!! 所以之後每當狗子或者河馬仔去探佢，佢都會問我地有冇禮物。
事後狗子問河馬︰當我地俾人地召出去投訴時，爸爸有乜反應? 個反應係…吹咩?!
爸爸的身體開始有少少喜色，希望化療同中藥可以幫到佢，當然, 更加希望佢食少支煙吧~
發表文章
