小河馬的第一次

想不到小河馬的第一次會是與小狗子一起渡過~~~

剛過去的某一個星期五是小河馬的生日，小狗子特地請了一日假，原先希望一早安排一連串的活動慶祝，怎料小狗子連開幾個星期ot，聽晒小河馬和家人的叮嚀︰早D返!!! 朝朝點零先去到小河馬家過夜，數小時後又摸黑返工，完全没有時間策劃。 結果在小河馬生日的當天清晨小狗子剛收工到達小河馬家，一梳洗完畢就臨急抱佛腳~拿起雜誌努力刨做功課，扮晒蛇貓雞好似之前已早有準備咁，結果~~~不過不失啦!!!!

隔天的周日小河馬因事入院作身體檢查，狗子一直長伴河馬仔身邊︰伴佢入院，睇吓有咩需要同埋一齊食最後的晚餐。 為慶祝河馬仔自出生以來首次入廠，小狗子請咗假︰周一伴小河馬在醫院渡過及出院!! 由於小河馬第一次入院，我倆都表現相當興奮，以致翌日小狗子收拾一切去探望小河馬時差點攞埋支香檳同紅酒，係出門口時想起可能會俾醫生鬧先放底。

不過，狗子都買咗病人飲料<葡萄X>、卡樂D、仲有其他唔知應唔應該出現的零食，淨係唔記得買脷賓納弟弟。 望到河馬仔鄰床果兩位投以羨慕的目光<佢哋淨係收到大晒活飯盒乙個~~~>......

不過最終都有俾D姑娘勸導︰事緣我倆無所事事，巧合地小河馬張床又對正唯一果部電視，咁我地咪一齊坐在床上睇電視，咁睇睇吓，狗子同河馬仔累了睡著了。 後期小河馬勇敢地冇嘈醒可愛的小狗子，一條河馬自己搖著尾巴上廁所，回來坐在椅上睇雜誌，姑娘進來見狀咪衰咗囉~~~