2008年12月20日 星期六

小河馬想做電車男...!?

小河馬由細到大都鐘意搞"機",由電視機,收音機,相機,電腦,電話等電子產品都喜歡研究,而且又貪玩,由Lego,高達模型,四驅車,遊戲機等玩意都鐘意,但可惜唔知點解,小河馬唔係讀電腦,唔係讀電子工程,唔係讀模型制作,更加唔係讀小河馬最鐘意o既攝影...走o左去讀Account,而且成績同成就都過得去...=.="

自從幾年前有一套戲叫"電車男",小河馬一直都問小狗子,小河馬係唔係"半個電車男"...因為電腦知識都尚算OK(起碼可以自救同救自己人先),又鍾意砌模型(大細路=.="),前排仲鐘意埋買figure...一有咩高達展模型展,一定會去"朝拜",而且相機電話及某部份電子產品D config記得仲好過百記D Sales...=.="

但小河馬上星期睇完報紙o既一段趣聞後,發覺自己連做"半個電車男"o既資格都無...=.="

趣聞如下:

"電車男 自製女機械人慰藉

加拿大一名自幼已展現科技潛能的男子自言沒有時間尋覓真愛,於是用了兩年時間製造一個機械人女友,這個機械人了解他的喜好,又懂得讀報、計數和做家務。整個機械人計劃約花費了16萬港元。

來自安大略省的李中(譯名,右圖戴眼鏡者)現年33歲,為了打造自己的機械人女友,他傾盡積蓄,還向銀行貸款和透支信用卡以籌集經費。李中的「女友」名叫「愛子」,樣子漂亮,三圍是32-23-33。李中形容愛子是「科學遇上美女的產物」,只須他稍稍調校軟件,愛子也可以充當自己的性伴侶,但他暫時不打算這樣做。現時的愛子被觸摸時會有反應,如果有人對她毛手毛腳,她會掌摑對方。

李中指愛子懂得說13,000句不同的英語和日語,每天早上會向他讀出報章頭條。她懂得計數和做簡單的家務,而且懂得看地圖。李中經常和愛子外出,兩人遊車河時,愛子會為他引路。愛子見到李中的家人和朋友時,會主動向他們問好,又會為李中準備他最愛喝的飲料。

李中早在8歲時便造出一個機械人,他會繼續改進愛子的軟件,令她掌握更多技能。他現在經常和愛子聊天,以提高她的智商。李中自言患有心臟病,笑言日後或要靠愛子照顧。(都市)"





原來電車男唔易做, 要有錢有時間有學識先得...小河馬一樣都無...=.="

2008年12月10日 星期三

See them next year...

2008年12月9日,香港再次發生禽流感,政府辦事效率突然好似開o左Tubro咁,即刻宣佈全港停止入口及出售活雞,而且第二日開始殺雞行動,全港雞隻無一活口!!!

對於唔食得牛肉o既我,雞係我最主要o既食糧,而且由細到大都係食活雞大o既我,發生禽流感係我一大惡夢...=.="

呢隻活雞係我2008年食o既最後一隻,See them next year....



2008年11月24日 星期一

後記

第三個星期的星期五,K哥哥終於回來了。  

K哥哥的回來為狗子帶來希望,令狗子終於可以放下心頭大石。所以狗子於第二天早上因太放心所以連鬧鐘響都聽不到,差少少遲到。 

之前為左可以確保K哥哥回來時本部可以運作暢順,狗子一直死頂下去。這三個星期內,都數不清有多少次因工作上的勞累或其他令狗子痛心的事而哭,一直以為自己隱藏得很好,可以欺騙全世界,但原來媽媽一早已察覺。  幸好我的男朋友們都未為意狗子為何會突然經常撒嬌,變得越來越爛玩及行為越來越幼稚。  這一切,都只是狗子為左調整突然增加的壓力而逃避的方式。     

初時以為自己眼淺,但原來因相似的理由而哭的不只我一人:7哥的左右手,餐飲部的女仕,但K哥哥的回巢至少令當中兩位的淚水止住了。

可想而知,就算K哥哥現在滿身豹紋,風采依舊不減。  

2008年11月17日 星期一

Round 3

已經進入第三周了,K哥哥依然未能上班,狗子繼續過其黑雞生崖。

科技部個亞頭稱自己缺乏一張固定的枱椅供其工作,所以咩都做不成。  有見及此,我公司最偉大果位為佢找尋一個合適的位置 ~  採購部。  由於此部門個頭頭暫時都唔會請,咁即係多出一個位置,可以放置科技部亞臣哥。 

臣哥的來臨為狗子的生活帶來很大的改變。  由於某些氣味,狗子不得不加多幾座香氛爐;  基於某D原因,公司的同事都不大喜歡佢,由以女同事為主,都叫狗子小心與他獨處......

所以近期狗子很喜歡撒嬌以作發泄:醒醒可愛的男朋友小河馬,公司果位好可愛的男朋友,其他所有的男女同事全部無一幸免。

講起公司果位男朋友,真係要賀喜佢。  身為半個孤兒,要接管埋新酒店,所得的就只有加辛。  佢個頭頭的威力非筆墨所能形容,只能說: 一山還有一山底!!!  唯有安慰佢能者多勞,有能者勞上加勞。 

2008年11月12日 星期三

墨豆的故事 ~ 續集

K哥哥的射波日子已進入第二周,希望會係尾升階段。

狗子都好想射吓波,有時會好白痴地想,寧願病的那個是自己,而不是K哥哥。

衰過墨豆的日子仍然持續,但情況略有很微少的好轉,大約轉咗5度咁大把啦,仲有果355度依然聞風不動。  日子依然日日新鮮日日甘,每天都很剌激,想停吓過番D風平浪靜的時間都冇。   狗子只是一個又醒醒又可愛又聰明伶俐,又乖巧又天真無邪的小女孩,成日俾人妒忌......都只是凡人一個,俾佢抖吓吖唔該!!

拜托,D麻煩野,可唔可以一日一單啊~  唔好咁密得唔得?!  一次過幾單真係未必做得切架!!

2008年11月3日 星期一

細路女,唔識野

拜托,算狗子昨天寫錯野,原諒狗子啦~

今日先第一天(K哥哥病假開始),真係黑過墨豆。   既要追新咭片的批核,又要追新酒店D貨品的報價、跟手仲要呀偉大投訴D叉燒唔生性,下畫又話叫D雞唔掂......跟手又問D找數問題......仲有好多好多野發生咗。

唔該,仲有D咩麻煩野想發生,勞煩你地,分開幾日黎,辛苦晒。

2008年11月2日 星期日

多事之秋

相信今個秋天會很難忘。

大佬走了,公司冇乜意欲請番個; 狗子病了多月,睇完西醫睇中醫,跟手再食埋成藥都仲未有效,一直都好想射波。 新酒店快要落成(好似係年底),乜都未定,現在先開始著手落單......

現在,K哥哥都病倒了,仲要射波成個星期,仲刺激過玩跳樓機、開心過去歡樂天地。

仲有D咩未發生唔該同我快快脆脆出埋嚟,之後唔好再煩我。

2008年10月25日 星期六

完美o既曲線...

話說有一日,小河馬陪小狗子去買內衣(小狗子用),行經太古城o既APITA,小狗子去o左試步姐做代言人的內衣,小河馬企o左o係該Counter前等待小狗子,小河馬左望右望,望到該Counter前正在播放以下o既短片...



當小河馬好用心去"觀察"該短片的同時,小狗子已經出o黎準備俾錢,小河馬突然雙手捉住小狗子隻手,用含情默默o既目光同小狗子講:你睇下(小河馬同小狗子一齊望住該短片),完美o既曲線,靚靚o既外型,誘惑o既身軀,"揸"上手o既手感簡直一流...

之後小狗子好好笑咁同小河馬講:係呀...,部相機啊ma...

"係啊係啊,部D3好吸引啊!!!!!"小河馬好興奮咁講...

戒口

今日覆診,醫師一把脈,隨即問到︰你今周是否有食過雞?!脈象顯示你有食過喎~

隨即想想,冇吖,冇食過呀。

你想清楚d,又或者,你有冇食過即食麵呀?!

即食麵,有呀!

咁咪有囉,雞粉呀~~

妖! 咁即係出街食就一定死啦! 邊有食市唔用雞粉架?!

回想今周每日都同K哥哥一齊為午餐煩惱。 大家衰埋一堆,都係要戒果堆野。 日日除咗想下仲有咩可以食之外,仲要想下對方有咩係唔食既,好煩呀!! 不如唔好覆診,咁咪唔使再戒口囉!! 反正都未到最差啫,淨係想調理下個身子之麻。

{小河馬話︰想下好喇!}

醫師再把脈道︰睇嚟你D藥係熱水沖,響溫水時喝喎! 咁唔得架,要響好熱的時候喝,仲要唔好有冷氣或者風扇噃。 飲完再焗下汗就更好~~

好邪呀,妖怪嚟架!!!!

2008年10月19日 星期日

暫別了,各位!!

咳了多個星期,一直睇西醫服藥,但久未見效。 經K哥哥介紹睇中醫去。

周六小河馬相伴下找到上址,只見人山人海,立時信心十足。

睇完診後,收到戒口令,人生樂趣降至新底點,即時生無可戀,死咗好過。

以下好友,暫別喇,您地要保重呀,出冊後我必定造訪,一定會!等我呀~

2008年9月21日 星期日

傷兵~續集

話說,上個月中近尾果時,有一個又乖乖,又叻叻,又可愛又聰明絕頂......的女孩子。 有一天,當佢如常咁響公司內走動時,一吓好唔覺意咁撞損咗隻腳腳。

咁原本,果位又醒醒又可愛又乖巧的小女孩真係有想過睇醫生架,但由於佢比較想同小河馬周圍逛街多過睇醫生,加上又買左支消炎藥膏,經深思熟慮後,佢決定,玩左先算。

直至上個周日,個傷口依然未埋口,繼續有d血水滲出,仲有少少痛。 加上傷口周邊浮腫,呈現深紫黑色......,小女孩開始感覺到大事不妙,再度考慮是否有睇醫生的需要......

經小河馬加埋d同事輪丙後,放工即去睇醫生,原來真係發炎。 經醫生狂丙後發現需要戒口,當下有如生不如死,立刻進食最後的晚餐,之後乖乖戒口。 至於最後的晚餐內容有d乜?! 總之所有不能吃的食品,約有90%都包括在內。

海拔3000多米的鹹水湖

位於中國青海省內青藏高原東北部的青海湖.

由於上兩個星期,去o左青海西寧出job,有幸當地老總安排去o左一次...^^"

(P.S.:由於係公司出job關係,所以只有帶D60 Kit set去影... )

另外呢到仲有: http://legocheung.photoshop.com

2008年9月14日 星期日

小司 x 小鏡 x 赤柱啤酒 x 赤柱熱狗



雖然狗子抱病在身,醫生吩咐不可喝酒,但見啤酒妹妹可愛,美酒當前,唔飲都對唔住自己啦,係咪?!

奧比斯–保柏「盲俠行」-看看您的英雄指數

小河馬的英雄指數

Lego
你的英雄級別:Level 4
智慧永遠比力量重要,你的智力絕對超乎常人,所以只要你一出手,絕對能輕易智取體型健碩的力量型英雄。
現在,不妨嘗試花時間觀察身邊的事物,說不定能啟發你體內的智力創意,不過,只要你好好發揮本身的長處,發明出有利人類的新科技,領導人類邁步向前!

領導人類前,就先請你報名參加奧比斯-保柏「盲俠行」
十一月十五號以腦力帶領其他盲俠衝出黑暗。



小狗子的英雄指數

Jessica
你的英雄級別:Level 3
雖然你沒有特別靈活的腦筋,有時候更會因不小心把事情搞垮,
可是當身邊的朋友有難題的時候,你就會以超越常人的力量把問題扛在肩上,想盡辦法替他們解決。巨大的力量,善良的性格,絕對是你的強大後盾!

相信你已經是奧比斯-保柏「盲俠行」的常俠,
這次不妨號召三五知己,十一月十五號齊齊踏上盲俠之旅吧!

2008年8月31日 星期日

傷上加傷

聞說,響好耐好耐以前,查實又唔係真係咁耐之前,總之就冇幾耐之前,有一隻又醒醒,又叻叻,又乖又可愛......的一條小狗,有一天,佢同一隻小河馬打波果陣時,唔知點解,果隻又醒醒,又叻叻,又乖又可愛......的小狗響自己傷咗嘅果一隻腳上,新添多一道傷口。

個舊傷口,因為生響隻小腿近d皮包骨位,所以一直滲血,仲未埋到口。

個新成員,座落某隻腳指甲度,從中間爆開滲血......

傷口數量節節上升,咁果隻又醒醒,又叻叻,又乖又可愛......的小狗子幾時可以響呢方面劃上休止符?

2008年8月30日 星期六

籌期


又到咗小狗子小河馬同其他豬朋一齊四圍籌期的時刻喇~~~

上年的路線圖係由灣仔行去香港仔,而今年......

第三屆奧比斯-保柏「盲俠行」- 旺角至西貢,為失明人士步出光明的午夜之旅

為幫助更多失明人士重見光明,奧比斯連續第三年舉辦「盲俠行」夜行籌款活動。參加者由午夜出發,步行20多公里至翌日清晨時分,挑戰自己體力之餘亦挑戰自己的意志力。

很期待今次的活動!!!
(資料由…http://www.facebook.com/group.php?gid=25673214663提供)

小司 x UCC Cafe x 忙到PK之後嘅星期六

2008年8月22日 星期五

四葉妹妹 x 2 x 高達!? x 雜物!? x 河馬間房!? x 颱風鸚鵡

傷兵

響好耐好耐以前,有一個又乖乖,又叻叻,又可愛又聰明絕頂......的女孩子。 有一天,當佢如常咁響公司內走動時,一吓好唔覺意咁撞損咗隻腳腳。 初時,佢並未為意自己有傷在身,照舊在公司內橫沖直撞......

撞損咗的傷口當然會有復完的時候,而在埋口的過程中少不免會有點痕癢。當然,果位又乖乖,又叻叻,又可愛又聰明絕頂......的女孩子已經忘記咗自己傷口,於是手多多的她伸手去止痕,咁就好唔覺意咁擴大咗個傷口......。 周而復始,個傷口開始發炎,想行行企企都有少少難度。

果一位又乖乖,又叻叻,又可愛又聰明絕頂......的女孩子有見及此,立時下咗一個決定~去藥房買咗支消炎藥膏攪掂佢。 點解唔去睇醫生?! 因為正直考試的時段囉。 咁依家呢?! 因為買咗支消炎藥膏,用得唔好浪費囉~ 有冇效呀?! 唔係係好顯注喎,咁周六去睇醫生囉。

意外發現,原來防水膠布係唔防水架!!! 一沖涼就吸晒水喇!!

2008年8月11日 星期一

溫馨場面

剛過去的周日早上和家人去咗老麥嘆早早,之後返教會,但大清早小狗子已心情不大好。

老實講,狗子最怕於繁忙時間的食市內遇上D熱情好客的人仕。 今次仲要有一大批在場......佢哋果D熱情好客簡直令狗子反感。

真的很怕果種因為互相傾計問候而排隊排到不似隊形,更加怕果D去到CASHIER位都仲要擘大喉嚨︰「你想食乜呀...... 一齊叫吖......自己買呀?!......等我幫你買埋呀!......吓?! 唔好食呢D嘢啦,不如食XXX吖......好唔好?!......咁呀,好啦......」

大姐呀,老麥個環境已經唔係好大,人又多,已經夠晒混亂,仲要俾你哋排隊排成咁嘅死樣,真係多得你唔少。 仲要老麥D員工做嘢唔快,好似未瞓醒咁,你班友落單落成咁,真係火都嚟!!

2008年8月6日 星期三

熱氣迫人


早輪返工日日都好好天氣,每朝都好好太陽,狗子係見光死族人,冇咗黑超都唔知點返工。

天氣好到狗子都好想去吓游水打吓波,但壁球場一直都BOOK唔到場,至於游水......小狗子是旱鴨子一名,浸水都得嘅,不過河馬仔話D池水污髒,唔准去,而海灘都因為同一理由,唔准去~~

結果有機會接近吓個海灘都係因為影相時經過咋~~幾時先可以去吓游水打波呢?!
^^"至於呢張相係邊個影嘅,自己估啦

2008年8月5日 星期二

農夫舉高隻手演嘢會

剛剛過去的兩個星期狗子都過得很充實~~

繼較早前的野仔演唱會後,於7月26日伴母親大人去睇中國歌劇~鳳閣恩仇未了情, 剛剛的周六又去咗九展欣賞芝華士農夫舉高隻手演嘢會......
其中的農夫show最為小河馬同小狗子熱切期待,一入場已有少少失望,乜咁偏架~~門口位!! 但原來真係一個好位,因為淨係得呢一個出入口,所以有咩明星入場都可以早過的記者知。

其實呢輪狗子都枕住夜瞓,身心疲憊,但農夫show一開場便立即龍精虎猛,差不多全場都舉高隻手手,冇時停~~

次日返教會作事奉~司琴,手震到差點出事,彈錯甩漏就比平時再多咗DD,好彩都算不過不失啦。

2008年7月16日 星期三

死性不改

小狗子可能真係同自己隻手手有仇,剛慶幸手指甩皮的情況略有好轉,惡運亦隨之降臨...

開櫃桶拉椅子去筆插桶取筆都可以插沙、閂櫃桶閂門戴眼鏡又可以夾手指、取膠紙都俾個膠紙座刮損,咁當然,日常碰撞亦在所難免,不過比平時多咗DD...倒熱水可以直接倒在手上,開罐裝飲品又界損手,食生果可以咬中手指,連剪指甲都差少少剪錯咗指頭D肉....

事緣狗子現正修行中,今周日測驗,由於時間短缺,故狗大人減少休息時間,咁就開始出事喇~下個月中先考試,漫漫長路,今次真係有排玩喇。

2008年7月9日 星期三

黑豆

6月30日,K哥哥走後的第一天,早上狗子如常一早回到公司與男朋友仔(?)嘆早餐,食乜?!公司出品,可以有幾好吖~

很奇怪,平常食到臨夠鐘開工時實見到C君,但果日一直等唔到,所以狗子食完自己返上房開工。

終於等到C君的出現,隨即帶來壞消息~見佢好似死屍咁已心知不妙,佢一開聲~~「我肚瀉咗幾日,今日都唔知頂唔頂得順(!)」。 點知過多2個鐘頭,C君已經叫投降,要中午徹退~~

下午呀香香大師又要過港島新酒店同舊酒店攪嘢,好彩佢都遲咗去,結果狗子頂咗個部門差不多成個下午。見咁黑雞,第一日就中晒奬,咪買番張六合彩睇吓囉,咁都唔中,真樣衰。

2008年7月5日 星期六

Nikon DC P60


Nikon DC P60一部,百老匯中銀卡HK$1,380.00...^.^

之前部DC Nikon L5,俾同事上北京影voucher時,高空落地...@.@"

鏡頭定o左唔識伸出伸入,開機顯示"鏡頭錯誤"...>.<" 今日上CS問價,HK$790.00換全組鏡頭...=.=" 所以最後決買過部平平地算...>.<"

2008年6月29日 星期日

去了~~

下周一起,K哥哥終於要離開了,下個月再見,去旅行一個星期。

其他的同事知道了,都紛表慰問,狗子的回應是︰有心啦,得閒嘅,咪裝柱香過我囉~~

一星期的超度生活(加沼氣生涯),即張開始,望大師口下留情,放過我啦~~

相信K哥哥回來的時候我已得道成仙,法號︰絶望。

2008年6月24日 星期二

8號風球

有冇咁靈呀,衰咗黑雨後終於打風啦!!!

由於港島區有同袍今周LAST DAY,所以狗子被調往港島開幾日工FOLLOW佢D嘢(保釋外出?!)。 同事已從供應商口中得知會有機會掛八號風球,正聊得興起時接獲大師的口訊︰ 明日記得早D返工呀,最好可以提早D到!!

唔知打風外出回公司途中有咩意外份保險包唔包呢?! 某程度上都可算工作的一部份吖!! 其實返到去都冇咩用,乜都做唔到 =白坐。

不過打風都無損狗子外出的意慾,事關如果狗子身在大埔,會同家人去行街或者飲茶,仲會因為更加多人而導致等位時間耐D。 又或者同朋友出外逛街睇戲唱K...等等,節目豐富。睇落都幾把握時機,爭取時間做平時少做或者做唔夠的嘢。

大部份人都返工等收工同放假,因為返工很累;一到公眾假期前開始,就會安排一連串的活動,仲忙過返工,結果更加累~咁幾時先可以休息?!

算唔算係人的天性?!要返工的會怨天怨地,有假放的分分鐘會仲忙過返工!

2008年6月21日 星期六

k哥哥病了

有消息傳出小狗子的好同事K哥哥於昨天病倒(喉痛及感冒)休假一天,為此我們訪問了小狗子,記錄這個珍貴的一刻。

小狗子嗚咽道︰「點解......佢係一個好人嚟0架,點會有D咁嘅事發生響佢身上......我真係希望果個係我唔係佢......」由此可見,狗子原是一位很關心別人充滿愛心的好孩子,只是並不常見(簡直係罕有的場面!!!)。

場面溫馨感人,聞者無不動容。 小狗子表示,祈求有病的人儘快康復,投入工作,享受生活,阿門。

2008年6月14日 星期六

返工唔返工?!

昨晚的大雨令狗子及同事C君大驚,短短的幾小時內由黃雨變成紅雨,睇佢來勢凶凶,真係驚佢會變成黑雨呀~

上期的黑雨事件已在公司做成很大回響,果日R君(自稱有2X年工作經驗)仲話咁嘅天氣響以前交通不便的情況下佢都要點都死出嚟返工,依家有地鐵有火車,應該冇理由返唔到工云云...

所以我哋到依家都仲有D迷網,據聞(FROM老臣子)需要返工果D應該係前線人員,我哋呢D後排員工咩都做唔到,返都冇用,所以理論上應該唔使返...

天呀,乜咁多個唔同嘅版本㗎?!

2008年6月9日 星期一

黑色暴雨

周六的黑色暴雨,其實使唔使返工?!

一起床,行去梳洗的時候,小河馬的嫲嫲好心告知黑色暴雨唔使返工,小狗子立即以一個懶有型的無奈POST及口吻回應︰梗係唔係,要返工呀~~

一梳洗完返入房即刻著河馬仔攞本員工手册出嚟望望,睇吓係咪真係要返工,剛睇完呀k哥哥即致電問候,咁嘅情況下梗係問吓房口呀A生啦、跟手呀C同事都相繼問候同一問題......結果咪都係要返工囉!!

好開心,果日河馬仔都要返工,起碼有個伴,好過冇!

本來想在柴灣食埋早餐先,點知水浸冇得食;改咗去尖咀食,食完慢慢行返公司,點知公司附近浸到過埋小腿咁滯~~

好彩小狗都行得好小心,淨係洗腳啫,如果唔係,浸浴都有份,但都冇小河馬咁激︰黑雨浸到佢返唔到公司,仲攪到成棟大廈冇電,原本佢一連幾日公眾假期都要返工,因為冇電唔使返~~

2008年6月1日 星期日

香燻療效

自從更換咗新嘅部門主管,小狗子便開始轉研香燻及空氣清新機的功用~~~

事源新主管是一名大聲公牌長氣袋型的千里香,其氣勢之勁,實難以抵擋。尤以咱們轉移咗陣地,上咗客房,更加冇得避~~~

同事K哥哥及小狗子相繼燻倒,狗子開始自發性地向香燻及空氣清新機埋手,有咩氣味既清新又可以掩蓋某種氣味~~~有D乜嘢類型的空氣清新機又細部又夠强......

可惜,氣味狗子已找到了,但輔助的機種還未有睇中~~~細小的有很多,但没有一部功力夠深厚 T.T

其實氣味是已經很强,一入房門口都可以聞得到,只要千里香不在,都幾好氣氛架,但千里香一入房,功力下降3成,佢一開口,再跌多5成......都算好唔錯啦,好過冇啦! 但可以的話,狗子係會追求更加好的REPLACE咗佢!!

2008年5月10日 星期六

緊張大師

唔知係唔係個人習慣,所以出咗問題也不自覺。

壓力除咗帶給我毁容(滿面痘痘),仲給我帶來手指甩皮...

最近狗子D手指又開始甩皮,用極潤手霜都冇用,又係壓力累事。今次集中晒響某D手指頭度,所以得幾隻手指會痛。

但狗子已經開始咗盡情工作、盡情休息以及盡情玩樂放縱,但成效不大。 係開始得太遲,定根本係冇作用呢?! 點先可以有效?!

真係想不通。

2008年5月2日 星期五

做運動

有感身形日益澎脹,小河馬及小狗子有意參加一些運動的團體。

小河馬很喜愛做GYM,鍾情於跑步機及樓梯機,但小狗子郤不大起勁,因為...實在太冇目標!!

小狗始終喜歡有某D目標吸引住咁追,以上項目均不在此類。 可以的話,狗子想玩壁球網球羽毛球果D有D野可以追的運動,總之要有D目標俾狗子追吓至安樂。

以往由於太忙,參加舒適佬都白交錢,唔知今次又可以維持幾耐呢?

2008年4月24日 星期四

死得喇死得喇

自從搬OFFICE後,狗子的視力大不如前。

由密封式的OFFICE轉到坐房(客房),狗子開始在一個整天都瀰漫著浪漫氣氛而且仲好有住家FEEL的環境下工作。(柔和又略帶昏暗的燈光,雙人套房連獨立洗手間...)

由於光線極度不足,同事們特地為我們預備好枱燈,整個房間除了洗手間外,最光的便是電腦螢幕及枱燈。 雙眼的視線只要移開螢幕或書枱便需調教適應光線的强弱。

依家就算夠瞓,雙眼都極度疲累;日日搭車都瞓過籠,唔識落車,唔知醒。

時間耐咗,若有幸近視冇乜點加的話,斷估散光都走唔甩,點睇應該大幅度增加。 想起都有D恐怖,唔知到時有冇得CLAIM工傷?! 咁新鮮刺激嘅工,係呢度先至可以俾你!!

2008年4月12日 星期六

心理變態??

由上年年尾開始有D心理變態...小河馬開始喜歡買Figure...

其實由上年開始,因為Bandi出o左劉關張的BB戰士模型,於是小河馬開始“回憶”返“童年回憶”...買模型砌...

點知,o係呢個資訊(Internet)發達o既時代,小河馬唔小心上o左一D唔應該去o既web site(模型玩具forum)...睇o左D唔應該睇o既o野(Figure...)...,再加上小狗子(超級Figure迷)o既“幫助”...

於是開始買Figure...,依家已經有差唔多十隻,再加上自己鐘意影相,所以...

開始做一D好多人認為“心理變態”o既事(起碼公司HR IC認為係...)...



呢D只係其中少少,之前仲有D更...相,下次得閒先post...

2008年4月8日 星期二

妄想

雖然狗子一直恨做酒店恨到發傻,終於有幸轉到酒店工作。 雖然時間話長唔長,但面對熟識的人,工作時間長,所以很快便習慣了。

但實在太多太多工作要做要跟,身邊經常圍繞著一大班追求者,實在好Q多野做,想停底喝水上廁所也没時間,現時唯一的希望係想死。

有時實在多Q工作到個人好亂,好燥,每每有咁嘅時刻狗子都只有一個念頭 ﹣>超級有興趣抽支煙,狠狠的抽他一根!!!

二手煙食得多,但從未試過真真正正咁煲煙,見親D同事話去落街抖吓都未曾試過話想一齊去煲...直至轉咗呢份工,好多時都有個衝動想做番次。

不過呢個念頭都只係一直停留在"有興趣"的階段,仲未有資格升級做慾望。

醫學界一直話抽煙危害健康,令皮膚變差...但圍觀一眾煙友,皮膚比狗子好得多;小河馬話係狗子自己攞嚟的,衰長期受壓(外界的再加上自己幫自己加的)云云。

但熟知狗子的絕對會放心,由為抽煙最重要的動作狗子是無法完成的!! 雖然狗子很喜歡儲火柴,很享受劃火柴的聲音及氣味,極度喜愛火藥味,但...狗子没有勇氣點火,不論用打火機還是劃火柴!

2008年4月5日 星期六

香港?!


轉了新工已有一段時間,一直忙著,勞碌不停。

最近終於有少許時間可以放鬆吓,在午休時在公司的四周走動走動,竟給狗子發現一棟很特別的舊樓。

一棟狗子很喜歡的舊棟。 (但我深信住在這裡的人絶不認同!!)

很想上去逛一圈~~~

2008年3月9日 星期日

寵物








同小河馬商量過好多次,養咩動物好?! 既想易容易養,又要熱情好玩....

養貓?! 佢太靜又太獨立自主,要你聽佢話多過佢聽你話




兔仔吖?!又可愛又可以帶出街玩,仲可以順手抺地....



養魚吧~ 食人倉又易養又可以有其他玩法,就只差不能帶出街玩



貂貂勁可愛,冬天當頸巾既高貴又有型,狗子超級想養,但......去邊度找?!




都係養狗好,容易養、可以玩又可以分擔主人的一切,好使好用好幫手......



唔知其他人會覺得養咩最好呢?!

好期待~~

上次的.....錯過了﹐今次我能否趕上呢?!

《野仔畢業禮音樂會》+《Wildsketchild野仔紀念冊大碟》
《野仔畢業禮音樂會》 地點: 九龍灣展貿中心演講廳時間: 2008年04月18及19日晚上八點票價: $230, 不設劃位門票於4月4號開始發售,並只會位於Timesquare及朗豪坊嘅 CD Warehouse 獨家發售!《Wildsketchild野仔紀念冊大碟》 4月4號全線CD Warehouse獨家發售4月4號中午12點野仔會親身到朗豪坊賣票賣碟,而在當天買碟的朋友是會得到野仔親自為你貼上一個首日購買印。資料來源: Jim's Blog @ My903.

2008年2月24日 星期日

香港人好純潔,而且好上進好學

香港係一個言論自由,商機處處的社會。香港人自强不息,富拚博精神,好學不倦; 富正義感,仲好有商業頭腦。

今年的奧運主辦國乃香港的袓國,為配合奧運團結和平的精神,香港以一式陳生風暴,直捲全球。 因為佢,令全球立即團結一致,順手化解海峽兩岸的問題,台灣同中港澳的人民變得更加融洽。 為咗提昇香港的知名度,勞苦功高,心思細密的香港警察運用大量金錢人力物力去發揮超水準的表現,令人眼前一亮。

陳生去完加國後回港開記招致歉同交代。監於各當事人都係知名人仕,所以會比較突出; 對於社會大眾和各當事人造成的影響...這個錯由各大傳媒來負責會比較合理。俾人偷嘢仲要四圍散播兼送埋機會俾各位賺錢提供話題仲要出嚟向你哋say sorry,自己攬晒上身?! 我都好想知佢錯乜,但我估佢最錯係個人問題~一個有錢又得罪唔少人的男兒身!!!

一腳踏多船,可以話多情,亦可以話欺騙感情,使用方法視乎閣下對當事人的睇法而定。 類似個案多不勝數,如果唔係點解會有咁多大婆二奶情婦同情郎呢類稱謂?! 高級d仲可以有X姨太同紅粉知己,都算係多情果類,或者俾個尊重D既詞語,叫重情。

d女仔就叫受害者,直得同情同鼓勵,男仔就要負全責?! 咁咩叫公理?! 平時網絡上都有不少類似個案,手機DV咩攝錄手法都有,要咩角度想睇D乜隨便揀,不過當事人並不是知名人仕。没關係,咱們是好友,當然大家分享,放上網度方便各位可隨時收看...相比下陳生果D被竊然後俾人散播的私人物品算什麼?!

開心時你情我願,你想點影都得,想做乜就晒位set好角度,配合絕佳的表情同post以求拍出雙方滿意的結晶品; 揚開咗就因為一時天真無知,信錯好人所以做錯事?! 咁我相信好多人都好天真無知,唔識得帶眼識人,香港有好多人真係好純潔0架!

香港市民因為求知慾强,所以一發現相關報導刋物都一掃而空,渣都冇淨,真係好鬼死好學。由此可見大眾市民都好努力洗刷文化沙漠呢個污名; 平日的自私自利完全瓦解,變得突然團結,發揮互助精神,仲好大義凜然,一邊四圍問人攞慌死執輸睇得太少又要指責當事人好拍d咁嘅嘢教壞細路。 睇完分享完仲可以用嚟賺錢,一D都不浪費,好環保。

2008年1月22日 星期二

歷史重演?!

呢輪天氣轉變,皮膚變得越來越乾燥,又係時候找人幫手補救吓。

D手指頭的皮膚甩吓甩吓,甩D唔甩D,總之甩極都甩唔晒,仲甩到入肉見紅。 已經甩到有點痛,好死唔死狗子喜愛把指甲剪得貼肉,結果有D甩皮的位置差少少位就可以復完。

呢個問題上年五月果陣時個醫生都有講過吓,不過狗子死性不改之嘛,定可以叫做本性難移?!總之都係衰同一個問題,冇得救。

依家唯有忍手,留長少少D指甲,等D手指可以有多D位復原。

2008年1月11日 星期五

罕有病症

<特派記者實際報導> 小狗子和小河馬長時間分隔兩地,小河馬經常在蒙古等地區出没,經診斷後證實2人均患上罕有病症,由於染病已久,再加上地區性問題,形成富地區色彩的發展,連帶兩人的名字也受到影響。小狗子已改名為「思馬狗子」,而小河馬亦改為「思狗馬馬」。

當事人也承認非一朝一夕的事實,事實上由上年起已出現潛伏期的徵狀,性格上愛酒之徒越飲越少,而另一位則越飲越精。 據悉此病未有先例,暫未有醫治之法,現階段還在試驗中,但時間上無法編排的關係所以短期內兩人都冇得救。 預測未來數星期病情反覆不定。

2008年1月6日 星期日

聖誕禮物?!


今年的聖誕禮物,小狗子一早已想好送什麼給小河馬,還專程一早便到專門店搜購,惜一早已斷貨,只能留名待覆。原本還希望可以成雙成對的禮物,滿心期待可於聖誕當日送一隻給小河馬,一隻給小狗子,但事與願違。
聖誕當日的中午接到專門店的電話表示已番少量存貨,由於河馬仔比狗子果頭近,只好拜託小河馬到專門店行一趟,但只買到其中一隻,另一隻則需再等待。
08年到了,另一隻Teddy Bear Tricks鎖匙扣還未到手,小馬馬已北上工作,呢隻原本想留在狗子身旁的也隨河馬而去,小狗子則繼續等待遲到的bear bear,唔知使唔使等到2月14日才能成雙成對?!