停電

今天工作尚算順利，叔叔要求提早收工，15：00前鬆人。

下午15：46，在「逢」的一聲巨響下全體同事被迫停工。　成楝大廈７樓或以上停電停水，又熱又焗又黑的環境使人昏昏慾睡。　I.T及工程部同事立刻調查事件因，可以點樣搶救。大廈管業處回覆需等待合資格工程人員維修，半句鐘後回覆有關人等最快也需時2句半鐘！！

大家百無聊賴開始吹水談天說地，等待人事部宣佈提早收工。　幸運地叔叔經已收工，狗子不用給說教！！！！到16：30，鬼上司問小狗子是否已完成手頭上的工作，收拾完畢了没有．．．狗子回覆已完成手頭上重要的工作，只有少少不緊要的慢慢做。　反正有排都没有電，於是鬼上司叫狗子預備收工，佢自己則去老麥買食食！

點知16：56開始續步恢復電量，幸福的休息時間告一段落，真叫人失望！！

進步

剛轉新工，自我壓力增加。最近小狗子睡得不大好，腸胃麻麻，經常陣痛，時重時輕。 皮膚差左，用盡各種方法都作用不大。

為求解決，狗子決定去睇中醫調理，於是找回果位神醫。 每天只需服用一份藥(很苦！），必須要於水滾燙得不能忍受時喝，還要一邊享受一邊配以黃蓮送服（每次四粒，續粒分開享用），飲用完（包埋溶唔晒果d殘渣）後蓋被焗汗。　一如以往，給予戒口紙乙張。 時代進步，需戒絕的食物也仔細很多。

Verson.1


Verson.2

洪溝

經小狗子多番嘗試，終於找出了問題所在。　叔叔在這行打混了很長時間，人面廣，見識多，狗子在他身上學了不少野。

不過，正因為叔叔固執，長年與差不多年紀的打交道，過份熟習舊的那一套模式，接受不了新的想法，很難溶入比較年輕的一代。　小狗子初到貴境，頭一個星期大家每天也會山洪暴發，火星撞地球。

叔叔很愛教導，還要極度詳盡，知無不言，惜永不中Point！！！ 別人投訴甘筍少汁不能用要求換貨，叔叔回覆橙子由田種出來，又要搭車送來，價錢很平．．．哥斯拉對加美拉，只可惜欠缺薯片汽水爆谷！

連日來狗子終於破解「如何與叔叔溝通」之迷！！！　就是憑著耐性，提高EQ，降底轉數及把問題簡單再簡單再再簡單化！再加上言語上的修飾使之正常化，這點很重要！！！！！！！！　　經反覆嘗試，幾經修正，現在萬試萬靈。

假以時日，小狗子的EQ一定大有進展，但智商可能退化，好恐怖！

廿幾三十年的功力＜下＞

叔叔努力不懈，誓死要解決bean　jade　seedling（翡翠豆苗）經常缺貨的問題。 百訪千尋下找到了樣似但絕對是兩回事的所謂替代品：alfalfa sprout（苜蓿芽, 草頭）！！！

價錢，當然係天淵之別！！！前者每300gm價值HKD6X-,後者每125gm價值HKD8.X，味道亦有一段距離。叔叔為解燃眉之急，一方面俾住十包八包供大廚試貨及應急，另一方面同鬼上司匯報及睇樣。鬼上司今天忙到死，望完差唔多價錢又平好多即表示如果試貨成功便立即轉用。

鬼上司同鬼老闆開會時匯報有此貨品尚待試驗，鬼老闆一聽見樣子差唔多價錢又平好多即表示如果試貨成功便立即轉用。 叔叔一收到此訊息即當一切順利，立令我們即改訂單落貨。

下午16：XX,大廚才有空試貨，一見即表示不能取代，試貨呢個動作都可以免了。 點知叔叔回覆話老闆好滿意，所以改訂單轉用呢隻。 仲好心提點大廚做人要識變通，試吓轉用其他嘢，會有新發現...=.=＂

好在小狗子尚算新入職，所以由叔叔頂住先，加上好日都冇人比叔叔傾訴，否則狗子有排俾人訓話！

廿幾三十年的功力＜上＞

今天，好在大廚親自出馬，如果唔係，叔叔會以為小狗子串親佢咯！

嚟咗呢間公司已一周，工作以及與同事的合作尚在磨合中。　上手同事臨走前帶小狗子遊走於各層的生產部及倉庫，以便狗子熟習環境，所以那一層生產什麼狗子也大約心裹有數。　由於狗子初黎步到，老二叔叔怕狗子跟唔切，所以很多事都自己一力承擔，包括一聽就知佢係門外漢的機器及膠製品！

今天，大廚親自上門投訴最近翡翠豆苗經常缺貨，永遠等到收貨時才知道没有貨用，影響生產。　叔叔聽後，便上網尋找圖片問大廚：係唔係呢樣嘢呀？
大廚覆：梗係唔係啦，呢d係第二樣呀！
叔叔：冇可能，我做咗呢行咁耐，做酒店果陣都係見呢隻嘢喎！
大廚：呢d係芽菜-.-"
叔叔：咁...你個量咁細，唯有請你d同事去街市買啦！
狗子+大廚：街市冇呢樣嘢賣架！！！
叔叔：冇架咩？！ 咁去趴街或者胃江買囉...
大廚：佢地冇呢d嘢架，得屎屎縮扒、free食屎同蘇高有架咋，仲要又貴又唔係成日有喎！
叔叔：乜係咁架，咁煩既？！ 咁幫你睇吓有冇替代品啦！
小狗子：~.~＂

Interview with a One-Year-Old

デブニャンの水中歩行 Ａ fat cat struggles to lose her weight

《雲海。當奴。骷髏頭House of Unbelievable》

鬼節去睇楝篤驚，真係人生一大快事！

之前一直留意何時售票，有什麼紀念品．．．．

由奴奴同雲海講靈異真係好正，故事性高，真人真事，兩個同道中人，笑中有驚，好新鮮！！　成晚小河馬同小狗子都好興奮，全場所有人都不斷被故事，音樂，工作人員及佈景嚇到叫聲笑聲不絕。

很難忘的一個晚上，很開心的節日！！