身心疲累

呢輪真係經歷咗好多野。

打風果日，由於拍擋放假同個仔去死老鼠樂園玩，所以得一條狗子撐起成個部門，更加多麻煩野上身，追完d「祝君早抖」毛巾死咗去邊後又要追分店d order，仲要跟埋果d中秋老餅嘅內涵，同日夜晚又同小河馬趕2場，先去沙田補屋山bbq，再去香港大酒店送另一好友的父親仙遊。

呢2個地方的相同之處係兩人都係狗子在大晒肉時的好友，其中沙田果位同小狗子和小河馬的關係亦師亦友，果時同一間公司時已覺得她像鐵人一樣，經常早上2、3點才收工，意志堅強但敵不過癌，睇住她強撐著，隱瞞病情，做好友的只能扮不知情，只好著她多休息，但神真的很奇妙，在她還很年青時，因病昏迷時接回天家，所以很安詳。

第二個星期又要考試，又趕功課，雖然請咗幾日假，但沉不著氣又埋首處理公司事務，結果冇咩時間炆豬，所以不太入味，但幸好天資聰敏，所以順利過關，但已累得半死。

一回到公司，開工時仍處於垂釣狀態，釣魚途中雙手仍停不了，繼續開工，事後check番昏迷狀態時的所作所為，竟然咁都找不到錯誤，真係天冇眼。