妳知道妳是最好的...

今日放工, 去o左尖咀, 再入大埔, 食飽飯坐車出返旺角, 之後再坐巴士返柴灣, 返到屋企, 手上多o左一舊唔應該有o既東東...^^"



件事未完, 部E520唔係我o既...^^"

話說女朋友父母要去旅行, 之前佢o地去旅行都係用我女朋友部D50+18-70DX, 但準外父大人話有DD重, 於是上年年中賣o左D50換D60 Kit set, 比較輕身, 點知我女朋友個妹&男友買o左部E520俾準外父, 原本準外父好開心...但上次佢o地去旅行時用E520, 覺得對焦好慢同好遲鈍...=.="

所以今次用o左我女朋友部D60 kit set去, 尋日佢試過話幾好, 比E520快...^^"

於是我趁機借o左部E520返o黎玩玩, 點知一試就出事, 準外父所言非虛, 我試過一輪, 心中得一句說話"D60, 妳知道妳是最好的嗎"...

九大簋

小狗子的早，午，下午茶及晚餐的正餐：

神之水滴的改編

狗子近日狂咳，日咳夜咳，咳到嘔~~

每日的早午晚三餐就咁嘔番大半出黎，真正的獲利回吐。

正因為咁，每日總有某幾個時段狗子會好似神之水滴中的神の雫同遠峰一青咁「...呀呀..我剛踏進飯堂，周遭環境很熱鬧...呀呀...傳來鹹魚蒸肉餅的氣味..仲有介乎於剛熟同埋煮得過熟的西蘭花同椰菜花...唔唔....呢個咁熟悉的味道...係頭先碗好Q肥既湯!!!...」

又或者會係咁「...呀呀..我剛踏進餐廳，周遭環境很熱鬧...呀呀...傳來很香的食物的氣味..仲有好吸引的飽飽...唔唔....呢個咁熟悉的味道...係頭先果碟好好食果碟野....哼哼哼....果杯飲品呀，真係好正的一餐....嗚嗚嗚.....呢餐冇記錯我俾左幾多$$!!!...」


除左個動作、表情同處身的環境外，形容味道果方面的表現應該都幾似架~~