又病了

鄰近的同事生病了，小狗子也被傳染了。

由於小河馬經常與小狗子接觸，所以也受到感染，昨天放工後一起結伴睇醫生。

同時小狗子亦因為某些原因做左一d美容療程，結果有關部位唔知點解有個傷口幾個月都未好番。狗子亦認為都係時候睇吓醫生問清楚，趁昨晚睇醫生時順手睇埋。 =.=”

點知醫生睇見個傷口之後反應頗大，原來傷口發炎，狗子仲一直以為只不過係生暗瘡好小事。 醫生建議狗子見吓外科醫生睇吓點整，有需要可能要切左佢。=.= a

依家食住藥先，睇吓點先再算。 =.=”

病向淺中醫~~

小河馬今日放工後俾小狗子"脅持"去睇醫生, 因為有少少傷風同埋有少少咳....=.="

小河馬幾耐之前去睇醫生, 對上一次係去睇醫生攞紙去醫院做body check, 再上一次係食錯牛肉敏感去睇, 再對上o個D都係因為血壓高去覆診攞藥...., 應該我由澳州返o黎後, 好似未正正式式因為傷風感冒咳去睇醫生...^^"

咁唔係因為我唔會病, 係之前都好少事, 食開由細食到大o既藥or食感冒茶加訓覺已經無事. 今次係因為D"豬"太勁, 於是小狗子"脅持"小河馬去睇醫生....@.@"

好彩呢個醫生唔係好貴, 而且係良心醫生, 加上我有得claim, 所以好平^^"

諗返我係唔係應該睇多D醫生, 還算都唔貴, 又可以放假...XD(Touchwood....=.=")

最後"睇o左醫生, 有醫生紙, 聽日返唔返工好呢??"...XD

黑雞

剛過去的周五狗子演繹了何為"黑雞"!!

朝早07:15由大埔出發，可以09:30才回到公司，遲左足足半句鐘!!! 果程巴士真的很抵搭啊~~ +.+"

下午約左d舊同學一齊食Lunch，選左一間極好食的食市，所以超多人等位!!

由於等位的時間太久，所以到快要食完時已12:50，唯有要求杯凍飲帶走。 該餐廳可能是為了環保，所以膠袋欠奉!! 狗子只好捧在心口急步回公司~"~

當走到轉角時，狗子與一男子迎面相撞!!! 狗子手中的凍泡泡拖肥咖啡，對方手中的凍啡走全都倒在狗子的身上，頭上...內外全濕......

回到公司雖然都有去手洗間整理一番，但小河馬接小狗子收工時，離遠已嗅得陣陣香氣，忍唔住講左句︰你好香咖啡味呀~~