2011年10月29日 星期六

淺談喬布斯<轉載>

辛卯年八月,蘋太祖久病決讓,立曲帝;至秋,太祖崩殂於加州,未及耳順之年而歿。昔喬氏七六年立國稱帝於矽谷,邊陲胡塵之地也,國號大蘋,八五年遭篡亂而廢黜,歷遊名山,得外空陰符之謀,遂伏而誦之,簡練以為揣摩, 鑽研欲睡,引錐自剌其股曰,安有平天下而不取微軟,伏窗戶者乎,逐後歷十二年揣摩成曰,此真可以統當世之君矣,遂間關復位,始後十四年厲兵秣馬,創單騎御駕親征之風,以艾朴、艾風、艾壁三役,戡平亂世,一統諸侯,史稱太蘋盛世,至此吾類又臻別境矣。

2011年10月21日 星期五

畫畫畫


今天小狗子終於一嘗心願,畫油畫!

正確來說,果d都唔算係油畫,只是用一些快乾顏料在畫布上畫畫畫!

小狗子已構思了幾個月,若有天有空可以畫油畫時畫d乜好? 生果?! 風景?! 玩具?! 到了昨天,小狗子終於想到了,要畫H.P.!!!! 但係個情景係乜好呢?! 

好想畫H.P.跳舞,著d咩黎跳舞,個背景係乜好,到落筆果下都未想好。  東張西望左一輪後決定用藍色做背景<狗子的偏好!!>,至於畫d乜,小狗子一邊塗底色一路想足大半天,結果畫左d咁既野出黎!

都唔係好差啫,呵?!

2011年10月20日 星期四

求婚紀念日


今天是小河馬向小狗子求婚紀念一周年,如果唔係細心的小河馬晨早已mark左落facebook度,小狗子已經忘記了!!

既然有facebook的提點,小狗子開始有點期待今天的來臨。  醒醒的小河馬更使用小狗子買電話時送的coupon換了一個Halloween蛋糕。  由於知道有蛋糕食,所以醒醒的小狗子便留肚等待,而聰明的小河馬很高興的吃了很多飯飯。

由於很多人都吃得很飽,又要等呢個果個有興趣才開箱吃蛋糕。 終於等到取蛋糕的一刻,由於已等到很夜,大家都有點不耐煩。 小河馬醒醒的開箱,取蛋糕,等小狗子影完相後以最快的速度分屍倒落肚跟手入澡堂洗澡。

真係咩氣氛都冇!!!

。 * ㅇ
☆\●♡●/
˚ ■\/▶☆。
====∥===∥====*

走得好!!

呢個滋味都試得多,真係會有種心痛同抖唔到氣的感覺......幸好小狗子走得快!!!

2011年10月17日 星期一

好想打爆機


好耐冇試過玩周公ONLINE可以打爆機,唔係成晚發夢就係成晚醒,再唔係就成晚上洗手間…

小狗子真係好累,真係好掛住打爆機既心情!! 香味攻勢同下藥都出晒但成效不大~.~”。 昨晚小河馬的爸爸特地為小狗子預備了雪耳紅棗同D唔知乜野既糖水,話可以去水滋陰養顏同寧神,幫助入睡云云…聽從指示的狗子整晚與大口仔聯誼,都係冇得瞓。

究竟有咩秘技買點數咭增值爆SEED打爆機呢? 唔通要金手指?!

2011年10月16日 星期日

全球最大樂高主題公園<轉載>


很高興! 以小河馬的喜好砌成樂園!! 點解唔整響香港咁衰架?!

<星島日報 >全球最大的樂高主題公園Legoland Florida周六在美國佛羅里達州開幕,公園內展示一個個巨型精緻的樂高積木模型,計有迷你曼克頓、自由神像、愛因斯坦大頭像、邁阿密沙灘及甘迺迪太空中心等,全部栩栩如生,令遊客目不暇給。

園內全部模型設施一共使用5千萬塊樂高積本砌成,全都使用在店鋪出售的樂高標準積木以膠水牢牢黏着而成,而且經過防紫外光處理,可以保存15至20年(很有心思哦 d(@_@)b)。 吸睛焦點包括20多呎高的帝國大廈及22呎長的金門橋。

有得玩又有得睇,活像一個小人國,真希望有天可以同小河馬一齊遊玩數天就好了Y(^o^)Y!!!

2011年10月12日 星期三

一年一度的慶典


買咗票,熱切期待!!!

唔知今年有咩特色呢? 上年飲到食到停唔到,飽到漲死,仲可以打包回家俾媽媽享用。 今年要小心行事,小心增磅!!

今次一早購票,終於買到V.I.P票乙張。因為一早買票,可參與「名人名酒薈」活動!!!有機會品嚐由旅發局主席田北俊先生捐贈1995 Mouton-Rothschild Imperial!!!!

最具噱頭是「名人名酒薈」,三支 6公升紅酒包括波爾多工商總會捐的 1983年 Imperial of Chateau Lynch Bages、旅發局成員林建岳的 1983年 Imperial Chateau La Mission Haut Brion及田北俊的 1995年 Mouton-Rothschild Imperial。

據說:「田生呢支應該最貴,最少 11、 12萬,喺餐廳開仲貴」。品酒師協會會長周國明說, 95年屬該酒莊極佳年份, 6公升裝更佔產量 1%至 1.5%,「果味濃用嚟配肉眼扒、羊扒最好」。 三支珍貴紅酒 29日至 31日每天 5時於「尊尚名酒區」開瓶,上述三天各首 150名經購票通網站最先買到「尊尚品酒證」的,便可一嚐,田的紅酒於 31日開瓶,他笑說:「比起我當年買佢已經升價十倍」。該瓶以每杯 40毫升計,值最少 800元。

好感動哦~~~

2011年10月4日 星期二

香薰治療


呢年幾以來小狗子都一直睡得不好,失眠同整晚發夢都輪流來探望小狗子,令狗子做足咁耐的迷女郎。某天在家俾蚊子咬了幾口後啟發了小狗子:香薰治療!!

之前小狗子已嘗過安眠藥的功效,惜作用不大! 香薰治療都可以做到放鬆的果效,應該可以一試。於是周日上舅舅家拜山時順道留意,結果被小狗子發現 Hallmark Deluxe Fragrance「奢華盛放」香薰系列!! 味道清淡,聞落好舒服,令狗子很放鬆,小河馬亦很滿意,於是買了「Gaulia 歐陸風情」及「Bamboo 詩意感覺」呢兩隻味道。 當晚選用竹來幫助睡眠,效果不錯,不過唔知係因為小狗子同小河馬都太累,所以很快便睡著了!

第二天晚上睡前,小狗子上網欣賞了一套「麻美的部屋」的動畫,感觸良多。 唔知係咪因為睇咗套咁既片,小狗子又失眠了!!同樣的香味下,小河馬很快便睡得很熟,還打鼾鼾來挑釁狗子! 小狗子一方面壓下想打鑊小河馬的衝動,又要努力令自己心平氣和,快快入睡,結果玩足多個小時才成功!!!