又出血

昨晚，小狗子和小河馬用過晚餐從後便各自歸家。 原本小狗子一心想回家後稍作休息便洗澡，等媽媽回家再一齊煲碟。 怎料回家後被珍珠台的片片吸引，直至媽媽回來才欣賞完畢。

問過媽媽的意見，煲碟大過洗澡，便開機揀片，開始我們的粵劇時光。媽媽北上時買了不少，她最喜歡有劇情有打打殺殺的。 小狗子最喜歡一邊看一邊攪下其他野， 是晚活動係收拾報紙。 狗子一邊整理一邊留意有沒有感興趣的，做做下打了數個噴嚏便有d野從燒焊左既果邊鼻孔流出~頂！ 又見紅喇! 血壓冇高到，媽媽和小狗子都好驚要去急症室（=唔使瞓）

只見由滴滴下慢慢成了小水柱， 小水柱再變成小河流再進化成滔滔江河，都係講緊兩個鐘頭內的事。 早上02：XX開始受控，可以考慮洗澡。 03:XX仲慢慢流緊， 大家都真的很累，塞了棉條倒頭大睡，希望佢會考慮停止排紅。

次日起床擦牙洗臉後檢查結果係收細左變滴滴仔，很累冇興趣理會，由得佢慢慢玩。 返完church都仲玩緊，唔理，拜埋父親再算。 到15：XX終於收工，總算唔使去醫院，真是萬幸。