燒焊

昨天下午四點零五點，小狗子一如往常在公司整理文件，點知做做吓突然滴滴滴．．．左邊鼻孔突然排紅，慢慢加快速度。　没多久，右邊鼻孔也加入排紅的行列。

由於呢個情況經常發生，小狗子也不加理會，繼續工作。　　結果，由於管道太窄，要由口部幫手排洪，狗子開始發現事態嚴重，立即Line通知小河馬。　根據過往經驗，小狗子決定去公司附近的診所求診。　　抵達診所時已血流成河，極其壯觀。　　醫生一見血瀑布，立即著狗子速往律敦治急症室就醫。　於是小狗子立即通知小河馬大人轉場，自己很努力地截的士＝“＝。

19：xx終於趕到律敦治，登記過後就是漫長的等待。　小狗子一見個急症急的格局就想起媽媽：話說有一次半夜三更，睡睡吓小狗子不知是胃痛定流鼻血玩左個零鐘後決定拜訪急症室，點知果間醫院既急症室分入口同出口兩個唔同方向，媽媽只見個個人入左急症室睇醫生，不見有半人個走出來，便對狗子說：「呢間急症室d醫生唔多掂，d人有入冇出，好恐佈！」

經過無禮的護士招待後（量血壓，度體溫），終於等到狗子面聖，只見狗手中的紙巾已艷紅，顏色瑰麗。　少少靚仔的醫生哥哥想了一會便決定著狗子上床，安慰小狗子呢個情況係非常痛的，要狗子配合。　跟著便二話不說便粗暴插入：綿條！！　再要求小狗子留下觀察，翌日一早便轉院。　但小狗子一想到落妝，洗頭洗澡，又冇ipad在身，便不想留下，玩到九點幾十時許醫生才放狗歸山。　一出門河馬仔便立即拖暈暈地的小狗子享用晚餐。

當晩小狗子在必理痛的藥力過後便無法入睡，由於綿條插左邊的鼻孔，令狗子的左面變型，左眼很累，又不停流淚，左邊面痛得像肌肉發炎，左邊口腔猶如生滿飛滋+牙肉腫痛+牙齦炎。　到天光時胃口全無，只喝了少許奶奶便上東區醫院。　登記過又是漫長的等待，攞左fast pass都冇用。　由於小河馬没有帶ipad，狗子由暈暈地，時間倒也過得很快。到面聖時，靚仔醫生哥哥從狗子的鼻孔中取出1“x1“x6“長的綿條。　綿條一離鼻孔即血狂流，醫生立即pump血及噴麻醉藥，等噴夠藥力發作便一邊pump血一邊燒焊，以求盡快止血。　在燒左十零次後，終於只剩血水滲出，大功告成！　現在鼻水及血水不時流出，很煩！

其實小狗子已是第二次玩燒焊了，第N次塞藥綿，呢個問題幾時解決？！