妄想

雖然狗子一直恨做酒店恨到發傻，終於有幸轉到酒店工作。 雖然時間話長唔長,但面對熟識的人，工作時間長,所以很快便習慣了。

但實在太多太多工作要做要跟，身邊經常圍繞著一大班追求者，實在好Q多野做，想停底喝水上廁所也没時間,現時唯一的希望係想死。

有時實在多Ｑ工作到個人好亂，好燥，每每有咁嘅時刻狗子都只有一個念頭 ﹣>超級有興趣抽支煙，狠狠的抽他一根！！！

二手煙食得多，但從未試過真真正正咁煲煙，見親Ｄ同事話去落街抖吓都未曾試過話想一齊去煲．．．直至轉咗呢份工，好多時都有個衝動想做番次。

不過呢個念頭都只係一直停留在"有興趣"的階段，仲未有資格升級做慾望。

醫學界一直話抽煙危害健康，令皮膚變差．．．但圍觀一眾煙友,皮膚比狗子好得多；小河馬話係狗子自己攞嚟的，衰長期受壓（外界的再加上自己幫自己加的）云云。

但熟知狗子的絕對會放心，由為抽煙最重要的動作狗子是無法完成的！！ 雖然狗子很喜歡儲火柴，很享受劃火柴的聲音及氣味，極度喜愛火藥味，但．．．狗子没有勇氣點火，不論用打火機還是劃火柴！