８號風球

有冇咁靈呀，衰咗黑雨後終於打風啦！！！

由於港島區有同袍今周ＬＡＳＴ ＤＡＹ，所以狗子被調往港島開幾日工ＦＯＬＬＯＷ佢Ｄ嘢（保釋外出？！）。 同事已從供應商口中得知會有機會掛八號風球，正聊得興起時接獲大師的口訊︰ 明日記得早Ｄ返工呀，最好可以提早Ｄ到！！

唔知打風外出回公司途中有咩意外份保險包唔包呢？！ 某程度上都可算工作的一部份吖！！ 其實返到去都冇咩用，乜都做唔到 ＝白坐。

不過打風都無損狗子外出的意慾，事關如果狗子身在大埔，會同家人去行街或者飲茶，仲會因為更加多人而導致等位時間耐Ｄ。 又或者同朋友出外逛街睇戲唱Ｋ．．．等等，節目豐富。睇落都幾把握時機，爭取時間做平時少做或者做唔夠的嘢。

大部份人都返工等收工同放假，因為返工很累；一到公眾假期前開始，就會安排一連串的活動，仲忙過返工，結果更加累～咁幾時先可以休息？！

算唔算係人的天性？！要返工的會怨天怨地，有假放的分分鐘會仲忙過返工！