小手術第二部曲

食埋今天,醫生開給小狗子的抗生素剛好清倉，之前醫生都話如果覺得有需要可以覆診。 咁狗子見個傷口仲未埋口兼且久不久都會陣痛，決定準時收工覆診。

遲0左少少收工仲要提款, 去到已經遲0左15分鐘，好在醫務所都仲係人山人海。 坐底等0左一陣終於到狗子上刑場，一入去個護士姐姐見狗子件t-shirt不大方便檢查，便著狗子脫衣(或者脫一半)，用條毛巾蓋一蓋等醫生黎驗收。

醫生照舊好似人地玩蜜蠟脫毛咁快快手一野就扯甩塊大面積的强力防水膠水，狗子有若被火燒咁痛!! 醫生一睇，死得，一波未平一波又起!! 原來小狗子對膠布敏感，起晒紅點!! 由於未埋口，所以焗住一定要繼續黏膠布T^T

醫生話，黎緊個傷口埋0左口之後會變成一粒野，到時再睇吓會唔會痛，痛的話再切0左佢，總之到時先再算喎~