小手術外傳

話說呢兩日開刀同洗傷口，除了醫護人員外就只有小河馬有幸可以目睹整個過程，連小狗子呢個事主除了親身感受外，也只能聽聲，視覺效果欠奉，像聽收音機般。

好心的河馬仔為滿足變態的狗子，不停地實況報導，把醫生與護士的細聲對話放大予狗子即時收聽。 例如護士取針筒交與醫生動手，怎料醫生嫌棄針筒尺碼太小，要求換支大成個碼的。 小河馬一睹實物即嚷著：「嘩！好大支呀！好勁啊！......」；一準備落針果下小河馬又叫：啊~嚟喇~！ 小河馬真盡忠報導。

醫生同護士聞言對狗子道：踢佢啦~呢度冇閉路電視，你可以隨便動手，不用客氣！......

狗子想，如果早知即日開刀，會一早預備DV拍片留念。

翌日，小狗子問小河馬睇見到狗子咁痛苦咁受刑有咩感想，小河馬話覺得好萌，好可愛！