鬥心

我地呢個部門每個同事加入左黎呢間公司之後頭二個星期內會有d野消失得無影無踪，遇到舊果個領隊仲加多少少自暴自棄，大家都失去鬥志，毫無士氣可言。

剛剛轉左個新領隊，由於公司的文化及模式，同埋實在太多新奇刺激的事情等住你，少d心血都會嚇死，大家都唔睇好會有好境來臨。

小狗子手頭上有個project，本來跟舊領隊馬馬合作。 呢個project已經時日無多，要盡快完成，管理員已不斷催促，只見領隊愛理不理，令狗子有種被盤冰水照頭淋的感覺。

依家同新領隊合作，情況都係咁嚴峻，但果種遺忘左好耐的鬥志即刻燃燒起來。 最起碼令員工有個感覺係大家有商有量，都會一齊去想法子解決問題，一齊去面對…大家真係合作緊!!! 呢d野，響舊領隊身上係唔會有架!!