2011年第一蛋

相隔兩年, 2011年1月1日, 小河馬又去o左影日出, 目的地都係石澳...(近ma...(=^.^=)), 小狗子原本都話想去(今次小狗子應該係認真...^_^"), 但由於爸爸剛剛上o左去搵耶穌同天父, 於是小狗子決定留在家中陪媽媽(可能係原因之一...). 於是小河馬在2010年12月31日北上點完貨就去o左同狗子食飯, 之後再去藍田Count Down, 再回家準備出發去石澳. 可能小河馬年紀開始大, 回家後發覺張床同張被好吸引, 於是......瞓到04:00先出門口飛的入石澳......=0=".

同兩年前有D唔同, 今年比兩年前更凍......=.=", 市區有寒冷天氣警告, 但有件事同兩年前一樣, 就係"小河馬係石澳食風影日出, 小狗子係床上暖笠笠瞓覺".........

最後, 初初以為今年會食白果, 點知去到尾終於見到一隻好靚o既2011第一蛋....Y(=^_^=)Y