當家花旦

小狗今次死梗啦~~

話說狗子所工作的採購部一共有5位同事負責香港的7間運作中的酒店及一間籌備中的酒店，以及世界各地的新酒店project。

今天，有家室果位女同事，可能因為家中事而急需請假三個星期，而佢所負責的果2間四星級酒店則順理成章地撥歸我地果位本身負責3間三星級酒店的女同事follow。 而呢位女同事初頭只以為頂2~3天吧了，到食lunch時晴天霹靂，方知道自己已被放上枱。

今天是一個很特別的日子，因為我們的妹妹快要離職(於下週內)，所以我地成班主任仔一齊請佢食飯。 響點菜期間狗子上了一趙洗手間，回來時才知道自己有幸即將榮登當家花旦一職，為期10天。

因為響黎緊呢三個星期中，有十天狗子的好友會放大假(於下週內開始)。而餘下的兩位男同事都要負責上海、馬來西亞及新加坡等新酒店的project，唔知幾時會發配邊疆，亦即係代表佢兩位仁兄將會遠行並唔知會幾時返，最好唔接新job避免交接期的混亂。

狗子背著兩間五星級酒店都仲未摸熟，黎緊仲可能做埋當家花旦接手埋果5間酒店零一間發展中的新酒店，成個集團於香港咁多間都俾晒我，咁我死得喇!!